टीम मंगळवेढा टाईम्स ।
आंतरजातीय प्रेमविवाह झाल्याने तुझ्या घरच्यांनी लग्नात काही दिले नाही, १० ते १५ लाख रुपये घेऊन ये मगच नांदवतो अन्यथा घटस्फोट दे , अशी धमकी दिल्याप्रकरणी पतीविरुद्ध सोलापुरातील सदर बझार पोलीस ठाण्यात गुन्हा दाखल झाला आहे.
आप्पा सदाशिव झिपरे (रा.रेल्वे लाईन, ख्रिश्चन सोसायटी , सोलापूर ) असे गुन्हा दाखल झालेल्याचे नाव आहे.
आप्पा झिपरे व रेश्मा झिपरे या दोघांचा आंतरजातीय प्रेमविवाह झाला होता. विवाह झाल्यानंतर काही महिन्यांनंतर तो घरी दारू पिऊन येऊ लागला.
रेश्मा हिला रात्री-अपरात्री घराबाहेर काढू लागला. रेश्मा हिला आपला आंतरजातीय प्रेमविवाह दिली झाल्याने तुझ्या माहेरच्या लोकांनी काही एक वस्तू दिली नाही.
लग्नात सोने व पैसा मिळाला नाही. हे सर्व तुझ्या माहेरकडून आणून दे नाहीतर मला सोडचिठ्ठी दे, असे म्हणत शिवीगाळ करीत मारहाण करू लागला.
माहेरून सोने व पैसे आणले नाहीत, तर तुला खल्लास करतो अशी दमदाटी करत असतो.
माहेरून व्यवसायासाठी १० ते १५ लाख रुपये घेऊन ये, मगच तुला व्यवस्थित नांदवतो, असे म्हणून पती मानसिक व शारीरिक त्रास देत आहे, अशी फिर्याद रेश्मा झिपरे यांनी दिली आहे. तपास पोलीस नाईक कंचे करीत आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
