टीम मंगळवेढा टाईम्स ।
श्री संत दामाजी सहकारी साखर कारखान्याच्या चेअरमन, व्हाईस चेअरमन निवडीनंतर दि.२९ जुलैला झालेल्या
पहिल्या संचालक मंडळ सभेत कारखान्याच्या आर्थिक हितास प्राध्यान्य देवून महत्वापुर्ण व दुरगामी परिणाम करणारे धोरणात्मक निर्णय घेण्यात आलेची माहिती नुतन चेअरमन शिवानंद पाटील यांनी दिली.
जमीनीचा ७/१२ असणाऱ्या प्रत्येक इच्छुक शेतकऱ्यांना सभासदत्व
श्री संत दामाजी साखर कारखाना हा मंगळवेढा तालुवयातील राजवाडा आहे. कारखाना कार्यक्षेत्रात जमीनीचा ७/१२ असणाऱ्या प्रत्येक इच्छुक शेतकऱ्यांना भागभांडवल १० हजार व प्रवेश फी १०० रुपये भरुन घेवून जागेवर पावती देवून आजपासून कारखान्याचे सभासद करून घेणार आहोत.
तरी जास्तीत जास्त शेतकरी बंधूनी कारखान्याचा शेअर्स घेवून सभासद व्हावे. तसेच ज्या सभासदांचे शेअर्स अपुर्ण आहेत त्यांनी अपुर्ण रक्कम भरुन घेवून शेअर्स पुर्ण करुन घ्यावा.
वारसांची नोंद करुन घ्या
याशिवाय कारखान्याचे जे सभासद दुर्देवाने मयत झालेले आहेत त्यांच्या वारसांनी कारखाना कार्यालयात संपर्क साधून आवश्यक ती कागदपत्रांची पुर्तता करुन घ्यावी म्हणजे वारसांची नोंद करुन घेणे सोयीचे होईल.
कारखान्याचा मोबाईल किंवा सिमकार्ड वापरणार नाही
तसेच सभेत नुतन संचालक मंडळ मिटींग भत्ता घेणार नाहीत. कारखान्याचा मोबाईल किंवा सिमकार्ड आमचे संचालक मंडळ वापरणार नाहीत.
कारखान्याची आर्थिक घडी चांगल्याप्रकारे बसवून व्हाईस चेअरमन, संचालक मंडळ सदस्य अधिकारी , कर्मचारी , सभासद , तोडणी वाहतुक ठेकेदार या सर्वांच्या सहकार्याने प्रत्येक निर्णय घेताना काटकसरीचे धोरण अवलंबून येणारा सन २०२२-२३ चा गळीत हंगाम यशस्वीपणे पार पाडणार आहोत.
यासाठी आवश्यक असणाऱ्या ऊस तोडणी वाहतुक यंत्रणा भरतीचे काम पुर्ण होत आलेले आहे.
कामगारांना साप्ताहिक सुट्टी सोमवारी
मंगळवेढ्याचा आठवडा बाजार हा सोमवारी असल्याने संस्थापक चेअरमन स्व . मरवाडी वकीलसाहेब व व्हा . चेअरमन स्व. शहा शेठजी यांनी कारखान्यातील कामगारांना सोईची साप्ताहिक सुट्टी सोमवारी दिलेली होती.
परंतु मागील संचालक मंडळाने सदरची सुट्टी शनिवारी केलेली होती. कारखान्यातील कामगारांच्या मागणीप्रमाणे निवडणुक काळात वेळोवेळी वरिष्ठ नेत्यांनी प्रचारात दिलेल्या शब्दाप्रमाणे साप्ताहिक सुट्टी यापुढे सोमवारी देण्याचा निर्णय संचालक मंडळ सभेत झाल्याचे चेअरमन शिवानंद पाटील यांनी सांगितले.
सदर प्रसंगी व्हा. चेअरमन तानाजी खरात , संचालक सर्वश्री मुरलीधर दत्तु , गौरीशंकर बुरकूल , गोपाळ भगरे , राजेंद्र चरणु पाटील , भारत बेदरे , दयानंद सोनगे , औदुबंर वाडदेकर , रेवणसिध्द लिगाडे ,
भिवा दोलतोडे , बसवराज पाटील , गौडाप्पा बिराजदार , पी.बी. पाटील , दिगबर भाकरे , महादेव लुगडे , अशोक केदार , तानाजी कांबळे , संचालिका सौ . निर्मला काकडे ,
सौ . लता कोळेकर तसेच कारखान्याचे सर्व खातेप्रमुख , विभागप्रमुख , कामगार संघटनेचे पदाधिकारी , पतसंस्थेचे पदाधिकारी व कर्मचारी उपस्थित होते.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
