टीम मंगळवेढा टाईम्स।
पंढरपूर जिल्हा सत्र न्यायालयाच्या आवारात, विधी व सेवा कार्यालयात असलेल्या कर्मचाऱ्यांसह एका साक्षीदारास मारहाण केल्या प्रकरणी वकिलाच्या विरोधात शासकीय कामात अडथळा आणल्याचा गुन्हा शहर पोलिसात दाखल झालेला आहे. अॅड. राजेश भादुले (रा. भादुले चौक पंढरपुर ) असे त्या वकिलाचे नाव आहे.
यासंदर्भात फिर्यादी रमेश शिवलिंगप्पा बेंबळकर (वय ५८ वर्षे रा. सोलापुर ) यांनी दिलेल्या फिर्यादीनुसार दि.२१ डिसेंबर रोजी दुपारी साडे तीन वाजण्याच्या सुमारास फिर्यादी रमेश बेंबळकर, साक्षीदार एस एस शिंदे,
व न्यायालयीन कर्मचारी के. के. शेख हे पंढरपुर न्यायालयाच्या आवारात विधी सेवा कार्यालयात हे शासकीय कामकाजाकरिता रुम नं ४१ मध्ये जात असताना त्याच रुममध्ये बसलेले
वकील अॅड. भादुले यांनी ” तु स्वतःला काय समजतो, एक तास झाले इथे बसलो आहे” असे म्हणुन त्यांची गच्ची धरून हाताने मारहाण केली. त्यावेळी फिर्यादी व इतर सहकारी मदतीकरिता गेले असता रमेश बेबलकर याना उजव्या हाताने धक्का मारुन ढकलुन दिले.
तसेच साक्षीदार एस एस शिंदे यांनाही मांडीवर मारुन शिवीगाळी करीत आरडाओरड केली. यावेळी अॅड. भादुले यांनी शासकीय कामात अडथळा निर्माण केला.
घटना जुनी असली तरी तक्रार काल दाखल करण्यात आली. रमेश बॅबलकर यांनी सरकारतर्फे फिर्याद दिल्याने अॅड. राजेश भादुले यांच्या विरोधात गुन्हा दाखल करण्यात आलेला आहे. या गुन्ह्याचा तपास सहाय्यक पोलीस निरीक्षक घुगरकर यांचेकडे देण्यात आला आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
