मंगळवेढा टाईम्स न्युज नेटवर्क ।
पंढरपूर मंगळवेढा मतदारसंघातून विधानसभेच्या निवडणुकी संदर्भात राष्ट्रवादी काँग्रेस पार्टी (शरद पवार गट) यांच्याकडे असलेला मतदारांचा कौल लक्षात घेता या मतदारसंघातून तुतारीच्या चिन्हावर लढण्यासाठी डझनभर उमेदवारीने आपले देव पाण्यात ठेवलेले आहेत.
यासाठी ग्रामीण व शहरी भागातून मतदारांच्या गाठीभेटी, पदाधिकाऱ्यांचा कौल घेऊन आणि उमेदवारांनी आपल्या शिष्टमंडळासह शरदचंद्र पवार, प्रदेशाध्यक्ष जयंत पाटील, जिल्ह्याचे नेते विजयसिंह मोहिते पाटील, राष्ट्रीय नेते सुशीलकुमार शिंदे, नूतन खासदार धैर्यशील मोहिते पाटील,
नूतन खासदार प्रणिती शिंदे, तसेच जिल्हाध्यक्ष बळीराम काका साठे आधी वरिष्ठ मंडळीकडे वेगवेगळे शिष्टमंडळ घेऊन उमेदवारीचा दावा केलेला आहे.
पंढरपूर मंगळवेढा मतदारसंघांमध्ये ज्येष्ठाकडून नव्या चेहऱ्याचा शोध घेण्याचे काम चालू असतानाच माजी जिल्हा परिषद सदस्य व पांडुरंग सहकारी साखर कारखान्याचे माजी व्हाईस चेअरमन वसंतनाना देशमुख नुकतेच सांगली जिल्ह्यातील डिग्रज येथे पंढरपूर व मंगळावेढा तालुक्यातील दामाजी कारखाना पदाधिकारी, पंचायत समिती,
जिल्हा परिषद आजी-माजी सदस्य, आजी-माजी सभापती आघाडी पक्षातील प्रमुख पदाधिकारी यांच्यासह 25 पदाधिकाऱ्याने प्रदेशाध्यक्ष जयंत पाटील यांची भेट घेतली.
त्यावेळेला जयंत पाटील यांनी सांगितले की जनतेचा कौल लक्षात घेता आम्हाला पंढरपूर मंगळवेढा मतदारसंघाला सरळ मार्गी, स्वच्छ व एकनिष्ठ, निष्ठावंत उमेदवाराची अपेक्षा आहे.
अशा प्रकारच्या चेहऱ्याच्या शोधात आम्हचे वरिष्ठ नेते शरदचंद्रजी पवार व माजी उपमुख्यमंत्री विजयसिंह मोहिते पाटील यांच्या कसोटीतून पंढरपूर मंगळवेढा ची उमेदवारी देण्याचा आमचा निर्णय थोड्याच दिवसात होणार आहे.
तसेच विजयसिंह मोहिते पाटील व नूतन खासदार धैर्यशील मोहिते पाटील तसेच नूतन खासदार प्रणिती ताई शिंदे यांच्याशी चर्चा करून लवकरच उमेदवारी जाहीर केली जाईल असे शिष्टमंडळाला जयंत पाटील यांनी सांगितले.
नुकताच सोलापूर जिल्ह्यातील 11 मतदारसंघाचा आढावा घेण्यासाठी जिल्ह्यामध्ये राष्ट्रवादी काँग्रेसचे अभियान राबविण्यात आले होते त्यादरम्यान जिल्ह्यातील उमेदवारी बाबत मोहिते पाटील कुटुंब्याकडे उमेदवारी निवडीची जबाबदारी दिली असलेल्या बाबत वरिष्ठांनी सुतवाच केले आहे.
त्यामुळे पंढरपूर मंगळवेढा मतदार संघातील उमेदवारीबाबत प्रदेशाध्यक्ष जयंत पाटील यांची झालेली भेट वसंतांना देशमुख यांच्या उमेदवारीबाबत झालेली भेट निर्णयाक होईल अशी संपूर्ण मतदारसंघातून चर्चा आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
