धक्कादायक! नमाज पठणाची बळजबरी; मुलाच्या धर्मांतराचा प्रयत्न; मौलानासह दोघांना अटक

टीम मंगळवेढा टाईम्स ।

श्रीरामपूर तालुक्यातील गोंडेगाव येथील एका अल्पवयीन मुलाला त्याच्या जातीबद्दल अपशब्द बोलून, त्याला भीती दाखवून त्याचे धर्मांतर करण्याचा धक्कादायक प्रकार उघडकीस आला आहे.

याप्रकरणी तालुका पोलिस ठाण्यात मौलानासह एका जणावर अॅट्रॉसिटी कायद्यान्वये गुन्हा दाखल केला. त्यानंतर मौलाना व शोएब शकील सय्यद या दोघांना अटक करण्यात आली.

१३ वर्षांच्या मुलाच्या वयाचा फायदा घत एका समाजाचे मौलाना व गावातील बादशाह ऊर्फ शोएब शकील सय्यद यांनी फूस लावून मुस्लिम धर्मात येण्यासाठी नमाज पठण-अजान करण्यास शिकवले.

असे न केल्यास संपवून टाकण्याची धमकी दिल्याचे पालकांनी सांगितले. ७ महिन्यांपासून हा प्रकार सुरू होता.

गावात काही दिवसांपूर्वी मंदिराची झाली होती विटंबना गोंडेगाव येथे काही दिवसांपूर्वी मंदिराची विटंबना झाली होती. त्यामुळे संप्तप्त ग्रामस्थांनी गाव बंदची हाक दिली.

पण पोलिसांनी कारवाई केली नाही म्हणून ग्रामस्थ आक्रमक झाले. चौकशीअंती काही व्यक्तींचे पोलिसांनी जबाब नोंदवले. त्यावरून हा प्रकार उघडकीस आला. पोलिसांनी मौलाना व बादशाहा ऊर्फ शोएब शकील सय्यद या दोघांना अटक केली.

राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 99 70 76 6262 हा आमचा नंबर.