समाधान फुगारे । मंगळवेढा टाईम्स वृत्तसेवा
सातव्या आर्थिक गणनेसाठी जिल्ह्यातील आठ लाख कुटुंबांच्या माहिती संकलनाचे काम सुरु आहे. यासाठी प्रगणक नियुक्त करण्यात आले आहेत. या प्रगणकांना अचूक माहिती देऊन सहकार्य करावे,असे आवाहन जिल्हाधिकारी मिलिंद शंभरकर यांनी केले आहे.
सातव्या आर्थिक गणनेच्या अनुषंगाने येणा-या समस्यांबाबत चर्चा करण्यासाठी जिल्हाधिकारी मिलिंद शंभरकर यांनी आढावा बैठक घेतली. बैठकीस निवासी उपजिल्हाधिकारी अजित देशमुख, जिल्हा सांख्यिकी अधिकारी पुंडलिक गोडसे, महानगरपालिका, जिल्हा परिषद अधिकारी उपस्थित होते.
केंद्र सरकारच्या सूचनेनुसार सातव्या आर्थिक गणनेचे काम नोव्हेंबरपासून सुरु झाले आहे. ही गणना मोबाईल ॲपद्वारे घेतली जात आहे. यासाठी जिल्ह्यात 1364 प्रगणक नियुक्त केले आहेत. आत्तापर्यंत एक लाख 77 हजार कुटुंबांची आर्थिक गणना करण्यात आली आहे. जिल्ह्यात आठ लाख कुटुंबांचे सर्व्हेक्षण करण्याचे उद्दीष्ट्य असल्याचे सांख्यिकी अधिकारी गोडसे यांनी सांगितले.
आर्थिक गणना कशासाठी – जिल्ह्याच्या अर्थव्यवस्थेतील मोठ्या क्षेत्राच्या संरचनेबाबत माहिती मिळवण्यासाठी गणना केली जाते. काम करणा-यांची संरचना कशी आहे. कोणकोणत्या उद्योगात कार्यरत आहेत. त्या उद्योग घटकांना भेडसावणारे प्रश्न, त्यासाठी निश्चित करायची धोरणे याबाबत माहिती गोळा केली जाणार आहे.
संकलित केल्या जाणा-या बाबी – कुटुंब प्रमुखाचे आस्थापनेचे नांव, कुटुंबातील सदस्य संख्या, कुटुंबामार्फत चालविण्यात येत असलेल्या आस्थापनेचा कार्यस्थितीचा तपशील, उद्योगात कार्यरत कर्मचा-यांची संख्या, उद्योग व्यवसायाचा प्रमुख वित्तीय स्त्रोत.
कॉमन सर्व्हिस सेंटरकडून कामकाज – सातवी आर्थिक गणनेची माहिती संकलित करण्यासाठी कॉमन सर्व्हिस सेंट ई गव्हर्नन्सकडून नेमलेल्या प्रगणकाकडून करण्यात येत आहे. यासाठी गाव पातळीवरील कॉमन सर्व्हिस सेंटरचे चालक हे पर्यवेक्षक म्हणून काम पाहत आहेत. कामासाठी सोलापूर जिल्ह्यातील गावपातळीवरील एकूण 445 पर्यवेक्षक नेमण्यात आले आहेत. त्यांच्या अधिनस्त 1364 प्रगणक नेमण्यात आले आहे. सर्व प्रगणक व पर्यवेक्षक यांना कॉमन सर्व्हिस सेंटर ई गव्हर्नन्स द्वारे सातव्या आर्थिक गणनेच्या कामासाठी ओळखपत्र देण्यात आले आहे.
जगभरातील लाखो वाचक असलेले सोलापूर जिल्ह्यातील सर्वाधिक लोकप्रिय व विश्वासार्ह न्यूज पोर्टल www.mangalwedhatimes.in
This News First Publish on mangalwedhatimes.in®
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
