महिलांनो! दूध व्यवसाय, किराणा दुकान, ब्युटी पार्लरसाठी ‘इतक्या’ लाखांपर्यतचे कर्ज, अशी आहे योजना; कोणाला लाभ घेता येणार?

मंगळवेढा टाईम्स न्युज नेटवर्किंग ।

केंद्र सरकारने उद्योगिनी योजना २०२५ ला आणखी महिलाकेंद्रित केले आहे. या योजनेअंतर्गत, गरीब महिलांना कोणत्याही तारणाशिवाय ३ लाखांपर्यंतचे कर्ज मिळू शकते. यात ३० टक्के अनुदानदेखील दिले जात आहे.

जर एखाद्या महिलेने ३ लाखांचे कर्ज घेतले तर तिला सरकारकडून मोठी आर्थिक मदत मिळणार आहे.

या योजनेद्वारे महिला ब्युटी पार्लर, टेलरिंग शॉप्स, किराणा दुकाने, दुग्धव्यवसाय किंवा इतर लघु उद्योग असे स्वतःचे छोटे व्यवसाय सहजपणे सुरू करू शकतात.महिलांसाठी ‘उद्योगिनी योजना’ ही महिलांना लघुउद्योग सुरू करण्यासाठी आर्थिक सहाय्य देणारी योजना आहे, ज्यामध्ये अनेकदा ३ लाखांपर्यंत बिनतारण कर्ज आणि अनुदानाची तरतूद असते.

या योजनेचा उद्देश महिलांना आर्थिकदृष्ट्या सक्षम बनवणे आणि त्यांची उद्योजकता वाढवणे हा आहे. योजनेसाठी अर्ज करताना वय, उत्पन्न आणि व्यवसायाच्या स्वरूपानुसार पात्रता निकष पूर्ण करावे लागतात.

कोणाला लाभ घेता येणार?

महिलेचे वय १८ ते ५५ वर्षांच्या दरम्यान असावे आणि तिने मागील कोणतेही कर्ज थकवलेले नसावे. तसेच कुटुंबाचे वार्षिक उत्पन्न दीड लाख पेक्षा कमी असले पाहिजे. अपंग आणि विधवांसाठी उत्पन्न मर्यादा नाही. या योजनेअंतर्गत ८८ प्रकारचे व्यवसाय सुरु करता येतात.

अर्ज कसा करावा :

तुम्ही UMANG, myScheme किंवा संबंधित सरकारी वेबसाइटवर या योजनेची माहिती घेऊ शकता.
आवश्यक कागदपत्रांची यादी आणि इतर तपशिलांसाठी संबंधित बँक किंवा सरकारी कार्यालयाशी संपर्क साधावा.(स्रोत:लोकमत)

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज