मंगळवेढा टाईम्स वृत्तसेवा:-
फेसबुकवरून महिलेशी ओळख वाढवून बलात्कार केल्याप्रकरणी संतोष जिमन (रा. कार, ता. सातारा) याच्यावर शाहूपुरी पोलिस ठाण्यात गुन्हा दाखल करण्यात आला आहे. संशयिताने जबरदस्तीने फोटो काढून त्याद्वारे ब्लॅकमेल करत असल्याचेही तक्रारीत म्हटले आहे.
याबाबत पोलिसांनी दिलेली माहिती अशी की, तक्रारदार महिला 33 वर्षांची सातारा परिसरातील आहे. संशयित संतोष जिमन याच्याशी तिची फेसबुकच्या माध्यमातून नोव्हेबर 2019 रोजी ओळख झाली. त्याने आर्मीत असल्याचेही सांगितले होते. लग्न करू, असे आश्वासनही संशयिताने महिलेला दिले होते. सुट्टी मिळाल्याने तो सातार्यात आला असल्याचे त्याने सांगून भेटायला बोलवले.
यानंतर पुन्हा 11 फेब्रुवारी रोजी संशयिताने धमकी देऊन राजवाडा चौपाटी येथे बोलावले. भीतीमुळे महिला राजवाडा चौपाटी येथे गेली. संशयिताने पुन्हा धमकी दिली व महिलेला अजिंक्यतारा किल्ला परिसरात नेले. याठिकाणी संशयित आरोपी संतोष जिमन याने महिलेसोबत फोटो काढले.
फोटो काढल्यानंतर ‘वारंवार संबंध ठेवले नाहीस तर घरी येईन,’ अशी धमकी देवून शिवगाळ केली. संशयित वारंवार त्रास देत असल्याने व तो त्रास असह्य झाल्याने महिलेने शाहूपुरी पोलिस ठाण्यात धाव घेतली. घडलेल्या घटनेबाबत माहिती दिल्यानंतर पोलिसांनी संशयिताविरुध्द बलात्काराचा गुन्हा दाखल करण्यात आला आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
