मंगळवेढा टाईम्स वृत्तसेवा:-
भरधाव दुचाकीची धडक बसून चाळीस वर्षीय तरुणाचा दुर्दैवी मृत्यू झाला. हा प्रकार दुपारी एकच्या सुमाराला होटगी रस्त्यावरील मुलतानी बेकरीच्या अलीकडे घडला. इम्रान अकबर चाऊस ( वय ४०, रा. आनंदनगर भाग १, सोलापूर ) असे मृताचे नाव आहे. ते चिंचोली एमआयडीसी येथील एका कंपनीत ठेकेदारांमार्फत कामगार म्हणून कामाला होते
त्यांच्या पश्‍चात आई, वडील पत्नी, दोन मुली, एक मुलगा असा परिवार आहे. रविवारी कामाला सुटी असल्यामुळे मित्रांना भेटण्यासाठी बजरंगनगर येथे पायी जात होते. रस्ता ओलांडताना आसरा चौकाकडून हत्तुरेवस्तीच्या दिशेने जाणाऱ्या भरधाव दुचाकीने त्यांना ठोकरले. हा अपघात इतका गंभीर होता की ठोकल्यानंतर ते दुभाजकावर पडल्यामुळे डोक्याला गंभीर मार लागला. दुचाकीचालक ही जखमी झाला असून, तो अपघातानंतर निघून गेला.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
