मंगळवेढा टाईम्स वृत्तसेवा:-
मुंबई महानगरपालिकेत नोकरीस लावतो, असे सांगून एका युवकाची दोन लाखांची फसवणूक केल्याच्या आरोपावरून कुलदीप तुकाराम काळे (रा. खारगर, मुंबई) याच्याविरोधात शाहूपुरी पोलीस ठाण्यात गुन्हा दाखल झाला आहे.
याबाबत पोलिसांनी दिलेली माहिती अशी, बाळासाहेब गेणू साळूंखे (रा. करंजे सातारा. मूळ रा. अंबवडे, ता. कोरेगाव) यांचा मुलगा दीपक याला मुंबई महानगरपालिकेत नोकरीस लावतो, असे सांगून कुलदीप काळे याने दोन लाख रुपये घेतले.
१ डिसेंबर २०१५ रोजी प्रतापगंज पेठेतील स्टेट बँक आॅफ इंडिया या शाखेतून कुलदीप काळे याच्या मुंबई येथील खात्यात ते पैसे जमा केले.मात्र पैसे पाठवूनही आपल्या मुलाला नोकरी लागत नसल्याचे लक्षात येताच बाळासाहेब साळुंखे यांनी शाहूपुरी पोलीस ठाण्यात धाव घेऊन तक्रार दाखल केली
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
