मंगळवेढा टाईम्स वृत्तसेवा:-
मंगळवेढा नगरपालिकेच्या नगराध्यक्षा सौ.अरूणा माळी यांच्यावर सदस्यांनी अविश्वास ठराव आणला होता , यावर जिल्हाधिकारी डॉ.राजेंद्र भोसले यांनी नगराध्यक्ष व सदस्यांची चौकशी करून शासनाला अहवाल सादर केला आहे.यावर आता नगरविकास राज्यमंत्री आज ५ सप्टेंबर रोजी सुनावणी घेणार आहेत.
यामुळे नगराध्यक्षा माळी यांच्या पदाबाबतचा निर्णय आज ५ सप्टेंबर रोजी होणार आहे. राज्यमंत्र्यांनी अविश्वास ठराव मंजूर केल्यास नवीन नगराध्यक्ष निवडला जाणार आहे . जनतेतून निवडून आलेल्या नगराध्यक्षांची सुनावणी घेण्याची राज्यातील ही पहिलीच घटना आहे.यामुळे आता राज्यमंत्री यांच्या निर्णयाकडे लक्ष लागले आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज