मंगळवेढा टाईम्स वृत्तसेवा:-
सोलापूरचे जिल्हाधिकारी डॉ . राजेंद्र भोसले यांच्या निर्णयामुळे महाराष्ट्रात प्रथमच मंगळवेढा नगरपरिषद येथील सर्व घरकुल धारकांना मोफत वाळू मिळाल्यामुळे डॉ.राजेंद्र भोसले यांचा बुधवारी सर्व घरकुल धारकांनी सत्कार केला.
पंतप्रधान योजनेतील घर बांधण्यासाठी लोकांना सोईचे झाल्याने , मंगळवेढा शहरातील सर्व घरकुले लवकरात लवकर पुर्ण करण्याकरिता प्रशासन व नागरिक प्रयत्नशिल आहेत . २१४ घरकुल धारकास १०७० ब्रास वाळूचे ६००० / – प्रमाणे ६४ , २ , ०००० / – इतक्या किमतीची वाळू मंगळवेढा शहरातील घरकुल धारकांना मोफत देण्यात आली.
सदर वाळू उपलब्ध करून देणेकरिता जिल्हा खनिज अधिकारी के . भालचंद्र , प्रांताधिकारी उदयसिंह भोसले , तहसिलदार स्वप्निल रावडे , मुख्याधिकारी पल्लवी पाटील यांनी सहकार्य केले तसेच जिल्हा नियोजन मंडळाचे सदस्य अजित जगताप यांनी सदर वाळू मोफत मिळण्याकरिता प्रयत्न केले.
तसेच मंगळवेढा नगरपरिषदेचे नगराध्यक्षा अरुणा माळी, उपनगराध्यक्ष चंद्रकांत घुले , नगरसेवक प्रविण खवतोडे , नगरसेविका सब्जपरी मकानदार , संकेत खटके , रामचंद्र कोंडूभैरी , अनिता नागणे , भागिरथी नागणे , राजश्री टाकणे , निर्मला माने , रतन पडवळे , सुमन शिंदे , पारूबाई जाधव , लक्ष्मी म्हेत्रे , बशीर बागवान , राहुल सांवजी व कर्मचा – यांनी वाळू उपसा करतेवेळी लक्ष दिल्याने सर्व घरकुल धारकांना वाळू उपलब्ध करून देता आली.
जिल्हाधिकारी डॉ . राजेंद्र भोसले यांनी वाळू उपलब्ध केल्याबद्द्ल सर्व शहरातून त्यांचे कौतुक व आभारही व्यक्त करण्यात आले आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
