टीम मंगळवेढा टाइम्स । एका 45 वर्षीय महिलेचा विनयभंग करून जातीवाचक शिवीगाळ केल्याप्रकरणी बोराळे येथील आरोपी दत्तात्रय काशिनाथ कोरे याची पंढरपूर येथील विशेष सत्र न्यायालयाने जामीन अर्ज मंजूर केला आहे.
या घटनेची हकिकत अशी,यातील आरोपी दत्तात्रय कोरे याने दि. 26 जुलै रोजी सकाळी 11.00 वा. यातील पिडीत महिला घरी एकटी असताना घरी येवून तु मला आवडतेस,तुझा मोबाईल नंबर दे,मोबाईल नंबर नाही दिल्यास तुला जीवे मारीन अशी धमकी देवून रात्री 11.00 वा. पिडीतेच्या घरी पुन्हा जावून पिडीता अंगणात झोपली असताना तीला लज्जा वाटेल असे कृत्य केले.
यावेळी पिडीता जागी होवून आरडाओरड केल्यानंतर आरोपीने तेथून पळ काढला होता. या प्रकरणी पिडीतच्या तक्रारीवरून आरोपीविरूध्द भा.दं.वि.354 अ ,452,506 व अनुसूचित जाती जमाती अत्याचार प्रतिबंध कायदयाप्रमाणे गुन्हा दाखल होता.
या गुन्हयाचा तपास चौकशीसाठी डी.वाय.एस.पी.दत्तात्रय पाटील यांच्याकडे वर्ग करण्यात आला होता.अ‍ॅड.संतोष माने यांच्यावतीने पंढरपूर येथील जिल्हा व सत्र न्यायालय येथे जामीन अर्ज दाखल करण्यात आला होता.
सदरच्या जामीन अर्जावर सरकारी पक्षातर्फे हरकत घेण्यात आली होती.दोन्ही बाजूंचा युक्तीवाद ऐकल्यानंतर न्यायालयाने आरोपीचा जामीन अर्ज मंजूर केला.आरोपीच्यावतीने अ‍ॅड.संतोष माने,अ‍ॅड.सागर टाकणे यांनी काम पाहिले.
Mangalwedha Bail granted to one in case of racial slurs and molestation
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
