टीम मंगळवेढा टाईम्स।
सोलापूर येथील डॉ.बाबासाहेब आंबेडकर जयंती मिरवणुकीमध्ये डी.जे . वाजवून सांगलीकडे परतणारा टेम्पो मंगळवेढ्याजवळील चाळीस धोंडा येथे चालकाचा वाहनावरील ताबा सुटून पलटी होऊन एकाचा जागीच मृत्यू झाला.
यश ऊर्फ गुंड्या राहुल माने असे जागीच मृत्यू झालेल्याचे नाव असून त्याच्या मृत्यूस कारणीभूत ठरल्याप्रकरणी टेम्पोचालक अनिकेत बाळासाहेब शिंदे (रा.आंधळी , ता . पलूस , जि . सांगली ) याच्याविरुद्ध गुन्हा दाखल झाला आहे.
पोलीस सूत्राकडील माहितीनुसार फिर्यादी राहुल कुंडलिक माने (रा . घानवड, ता . खानापूर ) यांचा मुलगा यश तसेच जखमी अभिजीत शिंदे , विशाल चव्हाण,
संदीप माने, मनोज पवार आदी सोलापूर येथे डॉ. बाबासाहेब आंबेडकर जयंती मिरवणूक असल्याने डी.जे. वाजविण्यासाठी सर्व जण एका टेम्पो ( एम . एच . १४ / व्ही . ०४५१ ) मधून गेले होते.
दि.१८ एप्रिल रोजी पहाटे ३.३० वा . ते सोलापूरहून मूळ गावी परतत असताना मंगळवेढ्याच्या पुढे चाळीस धोंड्याजवळ गाडीचालक अनिकेत शिंदे याने निष्काळजीपणे भरधाव वेगात
वाहन चालवून रोडमधील डिव्हायडरला जोराची धडक दिली.अपघातात टेम्पो पलटी झाला अपघातात एकाचा मृत्यू झाला ; तर चौघे जखमी झाले असल्याचे दिलेल्या फिर्याटीत म्हटले आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज