मंगळवेढा टाइम्स न्युज नेटवर्क ।
जन्मानेच दिव्यांग मुलाचे हाल बघवत नसल्याने व मानसिक तणावात येत आईने मुलासह शेतातील विहिरीत उडी घेत आतम्हत्या केल्याची घटना तालुक्यातील हुलजंती येथे बुधवारी दुपारी ३ वाजेच्या सुमारास घडली.
अंबिका इराप्पा माळी (३३) व मुलगा विशाल इराप्पा माळी (९) अशी त्यांची नावे आहेत. याप्रकरणी मृत महिलेचा दीर जकराया दऱ्यापा माळी (३७, रा. हुलजंती) यांनी फिर्याद दिली.
हुलजंती येथे एका 33 वर्षीय विवाहितेस एक अपंग मुलगा व दोन मुली असल्याने मानसिक तणावाखाली जावून त्या विवाहितेने 9 वर्षीय अपंग मुलासह विहिरीत उडी मारुन आत्महत्या केल्याची घटना घडल्याने परिसरात हळहळ व्यक्त होत आहे. दरम्यान या घटनेची मंगळवेढा पोलीसात नोंद झाली आहे.
पोलीस सुत्रांनी दिलेली माहिती अशी,यातील खबर देणारे जकराया माळी (रा.हुलजंती) यांची भावजय तथा मयत अंबिका इराप्पा माळी (वय 33) हिस जन्मत:च मुलगा विशाल इराप्पा माळी (वय 9 वर्षे) हा अपंग होता.
तसेच या विवाहितेस एकूण दोन मुली होत्या. यामुळे सदर विवाहिता ही सतत मानसिक तणावाखाली होती. दि.8 ऑगस्ट रोजी दुपारी 3 वाजता हुलजंती परिसरातील एका विहिरीत आईने मुलासह पाण्यात उडी मारुन आत्महत्या केली.
उमाशंकर कनशेट्टी यांनी या घटनेबाबत खबर देणारे जकराया माळी यांना कॉल करुन या घटनेची माहिती दिली.
सदर विवाहितेस अपंग मुलगा असल्याने त्याचे हाल तिला पाहवत नसल्याने तसेच दोन मुली झाल्याने तिने तणावाखाली येवून आत्महत्या केली असावी असा कयास आहे. सदर घटनेचा तपास पोलीस करीत आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
