टीम मंगळवेढा टाईम्स ।
मी निवडून आल्यानंतर महिलांच्या हाताला कायमस्वरूपी काम देण्यासाठी प्रयत्न करणार असून नगरपालिकेत रोजंदारीवर काम करणाऱ्या कर्मचाऱ्यांना कायम करण्यासाठी सर्वतोपरी प्रयत्न करणार असल्याचे आश्वासन तीर्थक्षेत्र विकास आघाडीच्या प्रभाग 3 च्या उमेदवार विद्यागौरी सिद्धेश्वर अवघडे यांनी दिले आहे.
विद्यागौरी अवघडे पुढे बोलताना म्हणाले की, साठेनगर, होलार वस्ती आदी ठिकाणचे शासन स्तरावर प्रयत्न करून झोपडपट्टी नियमित करण्यासाठी मंत्रालयात फाईल पाठवून कायम करून घेण्यासाठी प्रयत्न करणार आहे.
सध्या महिलांच्या हाताला काम नसल्यामुळे महिलांना मोठ्या संकटाला सामोरे जावे लागत आहे, येणाऱ्या काळात त्यांना स्वतःच्या पायावर उभे करण्यासाठी त्यांना सक्षम बनवणार आहे.
उपमुख्यमंत्री एकनाथ शिंदे, जेष्ठ नेते बबनराव आवताडे, सिद्धेश्वर आवताडे यांच्या माध्यमातून साठेनगर येथील नगरपालिकेमध्ये रोजंदारीवर काम करणारे कर्मचारी यांना कायमस्वरूपी कामावर घेण्यासंदर्भात शासन स्तरावर प्रयत्न करणार आहे.
प्रभागातील नागरिकांचे आरोग्य सुरक्षित राहण्यासाठी महिन्यातून एकदा प्रभागातील सर्व नागरिकांना मोफत आरोग्य शिबिर आयोजित केले जाणार आहे.
लोकशाहीर अण्णाभाऊ साठे यांचा पुतळा व सुशोभीकरण संदर्भात शासन स्तरावर पाठपुरावा करून निधी उपलब्ध करून काम सुरू करण्यासाठी प्रयत्न करणार आहे.
साठे नगर, मेहतर कॉलोनी, होलार वस्ती, दुर्गामाता नगर, नागणे गल्ली, चांभार गल्ली, रामकृष्ण नगर या भागातील स्वच्छता, रस्ते व कचऱ्याच्या समस्या या संदर्भात प्रामुख्याने लक्ष देऊन विकास कामे करणार आहे.
प्रभागातील विद्यार्थ्यांना शिक्षण प्रवाहात आणण्यासाठी प्रयत्न करणार असून बेरोजगार तरुणांच्या हाताला काम मिळवून देण्यासाठी किंवा व्यवसाय करण्यासाठी योग्य ती मदत मिळवून देणार आहे.
छत्रपती शिवाजी महाराज, डॉ.बाबासाहेब आंबेडकर, महात्मा फुले, शाहू महाराज त्यांच्या सामाजिक विचारांचा वारसा घेऊन सर्वांना सोबत घेऊन प्रभागाची सेवा करणार असल्याचे विद्यागौरी अवघडे यांनी सांगितले.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
