मंगळवेढा तालुक्यातील मारापूर येथील एका १५ वर्षीय मुलीस अज्ञात इसमाने आमिष दाखवून फूस लावून पळवून नेल्याची तक्रार तीच्या वडीलांनी मंगळवेढा पोलिसात नोंदविली आहे.
याबाबत अधिक माहिती अशी की , सदर १४ वर्षे ८ महिने वय असलेली मुलगी इयत्ता दहावीमध्ये शिक्षण घेत असून ३० ऑक्टोबर रोजी रात्रौ १०.३० ते ३१ ऑक्टोबर रोजी पहाटे ४.०० च्या दरम्यान ती राहते घरातून निघून गेली मात्र अदयापपर्यंत ती मिळून आली नाही.
ती अल्पवयीन आहे हे माहित असतानादेखील तीला कोणीतरी कशाचे तरी अमिष दाखवून फूस लावून पळवून नेले असे तीच्या पित्याने फिर्यादीत म्हटले आहे.
या प्रकरणी अज्ञात व्यक्तीविरूध्द भा.दं.वि.३६३ अन्वये गुन्हा दाखल करण्यात आला असून अधिक तपास पोलिस अंमलदार संतोष चव्हाण हे करीत आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
