टीम मंगळवेढा टाईम्स ।
सुश्रुत हॉस्पिटलचे प्रमुख डॉ.संजय अंधारे यांना खोटा गुन्हा दाखल करण्याची धमकी देऊन ३० लाख रुपयांची खंडणी मागितल्या प्रकरणी दोघांवर बार्शी शहर पोलिसात गुन्हा दाखल झाला आहे.
सचिन व संदीप चत्रभुज सुतार (रा.फुले प्लॉट, बार्शी ) अशी गुन्हा दाखल झालेल्या संशयितांची नावे आहेत.
सुश्रुत हॉस्पिटलचे व्यवस्थापक अजित अंधारे यांनी याबाबत शहर पोलिस ठाण्यात फिर्याद दिली आहे.
फिर्यादी हॉस्पिटलकडे जात असताना पोलिस ग्राऊंडजवळ संदीप सुतार व सचिन सुतार यांनी मोटारसायकल आडवी लावून माझा भाऊ सचिन विरुध्द सीसीटीव्ही फुटेज चोरले म्हणून तक्रारी करतो काय ?
डॉ. संजय अंधारेला आमच्या विरुध्द कोर्टात दाखल केलेला अब्रूनुकसानीचा दावा मागे घ्यायला सांग.
तसेच डॉ. संजय अंधारेला दोन दिवसांत आम्हाला ३० लाख रुपये द्यायला सांग, अन्यथा माझ्या आईस हॉस्पिटल येथे उपचारादरम्यान डॉ.संजय अंधारे याने व तू जीवे ठार मारले म्हणून तुमच्याविरुद्ध खुनाचा गुन्हा दाखल करतो , अशी भीती घातली.
तसेच सुश्रुत हॉस्पिटलमधील असलेले सर्व रेकॉर्ड्स सार्वजनिक हॉस्पिटल प्रशासनाची बदनामी करेन, हॉस्पिटलमधील पेशंटला तुमच्याविरुध्द भडकावून करून तुमच्या हॉस्पिटलमध्ये जाळपोळ घडवून आणेन.
डॉ.संजय अंधारे व सुश्रुत हॉस्पिटलविरुध्द पेशंटला भडकावून त्यांना आमरण उपोषण तसेच आत्मदहन करायला लावीन.
तसेच माझे आईवर केले उपचाराची सर्व कागदपत्रांवर हॉस्पिटलचा शिक्का मारून ती आम्हाला द्यायची. ‘अशी धमकी दिली व सचिन व संदीप सुतार यांनी चापटा मारल्या.
आजच्या आज पैशाची व्यवस्था कर अन्यथा होणाऱ्या परिणामांना सामोरे जा अशी भीती घालून निघून गेले. फिर्यादीने घडला प्रकार डॉ.संजय अंधारे यांना सांगितला.
परंतु डॉ. संजय अंधारेची व हॉस्पिटल प्रशासनाची बदनामी होईल म्हणून ते प्रथम तक्रार देण्यास आले नाहीत. परंतु त्यांनी आमची बदनामी करण्यासाठी हॉस्पिटलचे रिसेप्शनवर एक अर्ज पाठवला म्हणून त्याच्याविरुध्द तक्रार दिली अशा आशयाची फिर्याद दिली आहे अधिक तपास पोलिस निरीक्षक रामदास शेळके हे करत आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
