टीम मंगळवेढा टाईम्स ।
मंगळवेढा तालुक्यातील सलगर (बु) येथील एका 16 वर्षीय मुलीने दहावीच्या परीक्षा अभ्यासाचे टेंशन घेवून राहते घरात पत्र्याच्या अँगलला ओढणीच्या सहाय्याने
गळफास घेवून आपले जीवन संपविल्याची घटना घडली असून प्रतिक्षा उर्फ सानिका विठ्ठल चव्हाण असे आत्महत्या करणार्‍या मुलीचे नाव आहे. दरम्यान पोलीसात अकस्मात मयत अशी नोंद झाली आहे.
पोलीस सुत्रांनी दिलेली माहिती अशी, यातील मयत विद्यार्थिनी प्रतिक्षा उर्फ सानिका चव्हाण ही इयत्ता दहावी वर्गात सलगर बु॥ येथे शिक्षण घेत आहे.
पुढील महिन्यात इयत्ता दहावी वर्गाच्या परीक्षा असल्याने प्रतिक्षा उर्फ सानिका हिने अभ्यासाचे टेंशन घेवून घरात कोणी नसताना दि. 13 रोजी दुपारी दोन वाजता राहत्या घराच्या पत्र्याच्या अँगलला ओढणीच्या सहाय्याने गळफास घेवून आत्महत्या केली.
यावेळी खबर देणारे बाबूराव चव्हाण यांची भावजय सुगंधा ही शेतातून काम करुन घरी आली असता ती घरामध्ये जात असताना प्रतिक्षा उर्फ सानिका हिने गळफास घेतल्याचे प्रथमत: पाहिले असल्याचे दिलेल्या खबर मध्ये म्हंटले आहे.
मयत हीस मंगळवेढा ग्रामीण रुग्णालयात आणून तपासणी केली असती ती मयत झाली असल्याचे तेथील डॉक्टरांनी सांगितले. याचा पुढील तपास पोलीस करीत आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
