मंगळवेढा टाईम्स वृत्तसेवा:-
मंगळवेढा तालुक्यात सध्या मतदार पडताळणी सुुरू असून हे काम नाकारणाऱ्या ३४ कर्मचाऱ्यांना सहाय्यक निवडणूक निर्णय अधिकारी यांच्याकडून खुलासा नोटीसा बजावण्यात आल्याने कामचुकार कर्मचारी वर्गात खळबळ उडाली आहे. दरम्यान, नोटीसा बजावण्यात आल्याची माहिती तहसीलदार स्वप्निल रावडे यांनी दिली.
मंगळवेढा शहर व ग्रामीण भागात सध्या मतदार पडताळणी कार्यक्रम जाहिर झाल्याने त्याचा सव्र्हे सुुरु आहे. यामध्ये नाव, फोटो, ठिकाण, बदल अशा नोंदी घ्यावयाच्या आहेत. मंगळवेढा तालुका शिक्षक संघटना समिती यांनी तहसीलदार यांना बी.एल.ओ.च्या कामाला नकार दिला होता. याबाबतचे निवेदनही तहसीलदारांना दिले होते.
बुधवारी याबाबत चर्चा होऊन जि.प.चे ९० शिक्षक तर माध्यमिक विभागाचे ४ असे ९४ शिक्षक बी.एल.ओ.च्या कामात सहभागी झाले आहेत. ४ कृषी सहाय्यक, २ शिक्षक, ११ ग्रामसेवक, ५ ग्रामपंचायत कर्मचारी, ६ अंगणवाडी सेविका, १ न.पा. लिपीक असे एकूण ३४ कर्मचाऱ्यांनी अर्धवट स्थितीत कामे केल्याने ती कामे पूर्ण होऊ न शकल्याने या कर्मचाऱ्यांनाही नोटीसा बजावण्यात आल्या आहेत.
या नोटीसमध्ये सध्या मतदार पडताळणी हा महत्वाचा कार्यक्रम सुुरु असून आपले काम अतिशय असमाधानकारक असल्याने वरिष्ठ कार्यालयाने तीव्र नाराजी व्यक्त केली आहे. आपणावर फौजदारी स्वरूपाचा गुन्हा का दाखल करण्यात येऊ नये, याचा लेखी खुलासा नोटीस मिळताच तात्काळ सादर करावा, असे त्या नोटीसमध्ये नमूद करण्यात आले आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
