मंगळवेढा टाईम्स वृत्तसेवा:-
जिल्हा परिषदेतील शाळेतील एका मुख्याध्यापकाने शाळेतीलच दोन अल्पवयीन मुलींवर लैंगिक अत्याचार केल्याची धक्कादायक घटना मंगळवारी तक्रारीनंतर उघडकीस आली आहे. या प्रकरणातील आरोपी मुख्याध्यापक सतीश बजाईत याच्याविरुद्ध सिंदी (रेल्वे) पोलीस ठाण्यात गुन्हा दाखल करून त्याला अटक करण्यात आली आहे. ही घटना भोसा येथे घडली.
जि.प.च्या शाळेत शिक्षण घेणाऱ्या आठ वर्षाच्या चिमुकलीवर अत्याचार तर अकरा वर्षीय मुलीचे लैंगिक शोषण करण्यात आले. सदर प्रकार पीडितांनी आईला सांगितला असता पीडितेच्या आईने पोलीस स्टेशन गाठून तक्रार दाखल केली.
आरोपीकडून हा घृणास्पद प्रकार सुमारे तीन महिन्यांपासून सुरू होता असे तक्रारीत नमूद करण्यात आल्याचे पोलिसांनी सांगितले. सदर प्रकरणी सिंदी रेल्वे पोलीस ठाण्यात आरोपी नराधम शिक्षकांवर दोन स्वतंत्र गुन्हे दाखल करण्यात आले आहेत. एका प्रकरणात कलम ३७६ (अ), (ब) पॉस्को कलम ६ अंतर्गत तर दुसऱ्या प्रकरणात कलम ३५४ (अ) आणि पॉस्को अंतर्गत गुन्हा दाखल करण्यात आला आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
