मंगळवेढा टाईम्स वृत्तसेवा । बोगस डॉक्टरांनी केलेल्या उपचारात एकाचा म्रुत्यु झाल्याची घटना पंढरपूरात घडलीय.परवाना नसताना देखील दोन डॉक्टरांनी रुग्णांवर उपचार केले अशी तक्रार डॉ.महेश काळे व डॉ.दिपक लोखंडे (रा.सांगोला रोड,एमएसईबीच्या पाठीमागे, पंढरपूर) यांच्या विरुध्द विकास पवार (रा . शिरजगाव,ता गंगापूर,जि.औरंगाबाद) पंढरपूर शहर पोलीस ठाण्यात केली आहे.
-अखेर काँग्रेसला हादरा देत भाजपचे मिशन लॉटस यशस्वी
पोलीसांकडून मिळालेल्या माहितीनुसार, वाल्मिकी हरीशचंद्र पवार (रा.शिरजगाव,ता.गंगापूर,जि. औरंगाबाद) याला नातेवाईकांच्या सांगण्यावरुन दारुचे व्यसन सोडवण्यासाठी पंढरपूर मधील खाजगी डॉ.महेश काळे व डॉ.दिपक लोखंडे यांच्याकडे १८ डिसेंबर २०१८ घेवून आले हाते . तेव्हा डॉ.काळे व डॉ.लोखंडे यांनी एका पेशंटला १ हजार ३०० रुपये सांगितले.तसेच पोट साफ करण्यासाठी ५ हजार रुपये सांगितले. ती फी नाव नोंदणी करणारे रमेश भिमराव काळे यांच्याकडे जमा केली.त्यांनतर वाल्मिकीवर औधोपचार करण्यात आले.थोड्याच वेळात वाल्मिकीला जूलाब उलट्या सुरु झाल्या. याबाबत दोन्ही डॉक्टरांना नातेवाईकांनी माहिती सांगितली.
मात्र डॉक्टारांनी काही होणार नाही.रुग्णाला घेऊन जा असे सांगितले.वाल्मिकी यास पंढरपूरहून टेंभूणीमार्गे औरंगाबादला घेऊन जात होते.यावेळी करकंब येथे दुपारी पाच वाजण्याच्या सुमारास वाल्मिकी बोलायचा बंद झाला.थोड्यावेळाने त्याचा मृत्यू झाला.याबाबत डॉ.काळे व डॉ.लोखंडे यांना फोनवरुन सांगितले. त्यावेळी त्यांनी रुग्णाला घरी घेऊन जावा असे सांगितले.
-नापिकीला कंटाळून मंगळवेढ्यातील शेतकऱ्याची आत्महत्या
वाल्मिकीच्या मृतदेहाचे गंगापूर (जि.औरंगाबाद) येथे पोस्टमॉर्टेम केले.तसेच गंगापूर येथे मयत दाखल करण्यात आले. तो गुन्हा पंढरपूर शहरकडे वर्ग करण्यात आला होता.पोलीसांनी मयत निकाली काढले होते.परंतू आमचे समाधान न झाल्याने अवैध पॅक्टीस करणाच्या दोन्ही डॉक्टरांवर कारवाई करावी अशी तक्रार वाल्मिकी पवार चे बंधू विकास पवार यांनी पंढरपूर शहर पोलीस ठाण्यात दिली आहे.
पुढील तपास पोलीस उप.निरिक्षक दशरथ वाघमोडे करीत आहेत. पंढरपूर तिर्थक्षेत्र असल्याने बोगस डॉक्टरांचा राबता मोठा आहे.मात्र प्रशासनाच्या नाकर्तेपणामुळे नाहक बळी जात असल्याने संताप व्यक्त होत आहे.या तथाकथित डॉक्टर विषयी अधिक चौकशी केली असता. काळेच्या घरी जनावरांच्या डॉक्टरांचे सारखी उठबस असते.काळेच्या घरी पाळीव कुत्रे मोठ्याप्रमाणात आहेत.या जनावरांच्या डॉक्टरांच्या मार्गदर्शनाखाली तर हे उपचार होत नव्हते ना ? अशी चर्चा आता पंढरपूरात सुरु झालीय.
उपचाराची पध्दत ऐकून व्हाल थक्क
वाल्मिकीला या रुग्णाला डॉ.काळे याने व डॉ.लोखंडे यांनी प्रथम पातळ औषध प्यायल दिले.त्यानंतर वाल्मिकी याचे दोन्ही हात कापडाने बांधून त्यास जमिनीवर उताने झोपवून पायावर डॉ.लोखंडे बसले. व डॉ.काळे वाल्मिकीच्या छातीवर बसून त्याच्या नाकामध्ये औषधाचे थेंब सोडले. असल्याचा उल्लेख विकास पवार यांनी तक्रारीत केला आहे.
जगभरातील लाखो वाचक असलेले सोलापूर जिल्ह्यातील सर्वाधिक लोकप्रिय व विश्वासार्ह न्यूज पोर्टल www.mangalwedhatimes.in
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
