मंगळवेढा टाईम्स वृत्तसेवा । सोलापूरसह राज्यातील 13 जिल्हा मध्यवर्ती बॅंकेने खातेदारांना आरटीजीएस,एनईएफटीची सेवा पुरविण्यासाठीयेस बॅंकेकडून सबमेंबरशिप घेतली होती. मात्र, येस बॅंक अडचणीत सापडल्याने जिल्हा बॅंकांचे 370 कोटी रुपये त्या बॅंकेत अडकले आहेत. त्यात सोलापूर जिल्हा मध्यवर्ती बॅंकेचे 12 कोटी रुपये असून दोन महिन्यात पैसे मिळतील,असा विश्वास आहे.
सोलापूर जिल्हा बॅंकेने खातेदारांच्या सोयीसाठी आयसीआयसीआय बॅंकेकडून सबमेंबरशिप घेतली आहे.देशातील 110 बॅंकांची सबमेंबरशिप असलेल्या येस बॅंकेद्वारे आरटीजीएस व एनईएफटीचे ऑनलाइन व्यवहार सुरु होते.त्यामध्ये विशेषत: महाराष्ट्रातील सर्वाधिक जिल्हा मध्यवर्ती बॅंका, नागरी व व्यापारी बॅंका, को-ऑपरेटिव्ह बॅंकांचा समावेश आहे. या बॅंकांनी ऑनलाइन सेवांसाठी येस बॅंकेकडे डिपॉझिट म्हणून जमा केलेली अनामत रक्कम आता बॅंक अडचणीत सापडल्याने अडकून पडली आहे.
-नक्की वाचा : सोलापूर जिल्हा परिषदेची बजेट सभा लांबणीवर
दरम्यान, येस बॅंक बंद पडल्यानंतर बहूतांश बॅंकांनी सबमेंबरशिप बदलली असून काही बॅंकांनी आयसीआयसीआय तर काही बॅंकांनी एचडीएफसी बॅंकांकडे धाव घेतली आहे.खातेदारांच्या सोयीसाठी त्यांनी तात्पुरत्या स्वरुपात सबमेंबरशिप बदलली आहे. तर रिझर्व्ह बॅंकेच्या निर्देशानुसार येस बॅंकेच्या माध्यमातून काही बॅंकांचे एनईएफटी, आरटीजीएस व चेक क्लेअरिंगचे काम सुरु करण्यात आल्याचे को-ऑपरेटिव्ह बॅंकांच्या अधिकाऱ्यांनी सांगितले. दरम्यान, कोल्हापूर बॅंकेचा रुपयाही येस बॅंकेत अडकला नसल्याचे बॅंकेचे अध्यक्ष तथा ग्रामविकास मंत्री हसन मुश्रीफ यांनी स्पष्ट केले.
–महत्त्वाची बातमी : बोगस डॉक्टरकडे दारू सोडवायला आला अन् जीव गमावून बसला
सोलापूर जिल्ह्यातील काही बँकेच्या येस बॅंकेत रिझर्व्ह बॅंक ऑफ इंडियाचे 49 टक्के शेअर आहेत. येस बॅंक अडचणीत सापडल्याने बॅंकेच्या खातेदारांची मोठी पंचाईत झाली आहे. देशातील 110 बॅंका येस बॅंकेच्या सबमेंबरशिपमध्ये आहेत. त्यामध्ये सोलापुरातील जिल्हा मध्यवर्ती बॅंकेसह अन्य तीन खासगी बॅंकांचाही समावेश आहे. मात्र, त्या दोन खासगी बॅंकांच्या व्यवस्थापनाने आमचा येस बॅंकेशी काहीच संबंध नसल्याचे स्पष्ट केले. तर एका बॅंकेने पैसे अडकले नाहीत मात्र, आमच्या बॅंकेची एनईएफटी व आरटीजीएस सेवा येस बॅंकेमार्फत सुरु होती आणि आता सुरळीत सुरु असल्याचे स्पष्ट केले.
जगभरातील लाखो वाचक असलेले सोलापूर जिल्ह्यातील सर्वाधिक लोकप्रिय व विश्वासार्ह न्यूज पोर्टल www.mangalwedhatimes.in
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
