मंगळवेढा टाईम्स ऑनलाइन । मंगळवेढा तालुक्यातील बोराळे गावातील चार जण ग्वाल्हेर येथील कोरोनाग्रस्त असलेल्या पॉजिटीव्ह रुग्णाच्या संपर्कात आल्याने मंगळवेढा तालुक्यात खळबळ उडाली आहे.त्यांना तपासणीसाठी सोलापूर येथे पाठवण्यात आल्याची माहिती बोराळे आरोग्य केंद्राचे डॉ.वर्षा पवार यांनी दिली आहे.
सोलापुरातून ग्वाल्हेरला प्रवास करणारा द्राक्ष नेटिंग मजूर कोरोना पॉजिटीव्ह आला असून सोलापुरातील मंद्रुप तालुक्यातील एका गावात द्राक्ष नेटिंगसाठी हा मजूर आला होता.त्यातच बोराळे गावातील 4 जणांच्या संपर्कात आला आहे.मात्र तो व्यक्ती सध्या सोलापूर जिल्ह्यात नाही तसेच जिल्ह्यात एकही रुग्ण नसल्याची माहिती जिल्हाधिकारी मिलिंद शंभरकर यांनी दिली होती.
त्या गावात संपर्कात आलेल्या सर्व ग्रामस्थांची आरोग्य विभागाकडून तपासणी सुरू आहे. एक एप्रिल रोजी सोलापुरातुन हा मजूर ग्वाल्हेरला गेला होता. गावी परतल्यावर तपासणीकेल्यानंतर कोरोना पोजिटीव्ह असल्याचा अहवाल आला आहे. विशेष म्हणजे या रुग्णात कोणत्याही प्रकारची लक्षणे नाहीत.
सोलापूर जिल्ह्यात करोना विषाणूची बाधा झालेला एकही रुग्ण आतापर्यंत आढळून आला नाही. परंतु दक्षिण सोलापूर तालुक्यातील येळेगावात द्राक्षबागेत काम करून गावी परतलेल्या एका परप्रांतीय मजुराला करोनाची बाधा झाल्याची माहिती समोर आली असून त्यामुळे प्रशासन चांगलेच कामाला लागले आहे.
सोलापूर जिल्ह्यात बहुतांश द्राक्षबागांमध्ये उत्तर प्रदेश व मध्यप्रदेशातील मजूर काम करतात. दक्षिण सोलापूर तालुक्यातील अनेक गावांमध्ये परप्रांतीय मजुरांचा वावर द्राक्षबागांमध्ये असताना राज्यात करोना संसर्ग प्रादुर्भाव सुरू होऊ न टाळेबंदी लागू होत असताना हे बहुधा परप्रांतीय मजूर त्यांच्या मूळगावी परतले आहेत.
यापैकीच ग्वाल्हेरमध्ये पोहोचलेल्या एका मजुराला करोनाची बाधा झाल्याची माहिती जिल्हा प्रशासनाच्या हाती आली. हा मजूर येळेगावातील एका द्राक्षमळ्यात काम करीत होता. त्यामुळे प्रशासकीय यंत्रणा येळेगावात धावून गेली आहे. संबंधित करोनाबाधित मजुराच्या संपर्कात येळागावातील कोणकोणत्या व्यक्ती आल्या, त्याची माहिती घेऊन संबंधित सर्व व्यक्तींना वैद्य्कीय तपासणीसाठी सोलापूरच्या छत्रपती शिवाजी महाराज सर्वोपचार शासकीय रुग्णालयात पाठविण्यात येत आहे.
————————
ब्रेकिंग बातम्या मोबाईलवर मिळवण्यासाठी आम्हाला 95 6161 7373 या नंबरला WhatsApp करा आणि लिहा “Mangalwedha Times News”
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
