टीम मंगळवेढा टाईम्स । (प्रतिनिधी):
तालुक्यातील रेवेवाडी येथे जनावरांच्या शेडसाठी वापरलेल्या जुन्या पत्र्यांच्या वादातून महिला सरपंचाच्या पतीसह त्यांच्या कुटुंबीयांना ग्रामपंचायत कार्यालयासमोरच बेदम मारहाण केल्याची खळबळजनक घटना ३ नोव्हेंबर रोजी घडली.
याप्रकरणी मंगळवेढा पोलीस ठाण्यात सहा जणांविरुद्ध गुन्हा दाखल करण्यात आला असून, या घटनेमुळे गावात राजकीय तणाव निर्माण झाला आहे.
शाळेच्या जुन्या पत्र्यांवरून धुसफूस
मिळालेल्या माहितीनुसार, रेवेवाडी गावच्या सरपंचपदी गेल्या तीन वर्षांपासून सुनिता रेवे कार्यरत आहेत. गावातील जिल्हा परिषद शाळेचे जुने पत्रे जनावरांच्या शेडसाठी वापरल्याचा आरोप करत उपसरपंच व काही सदस्यांनी गटविकास अधिकाऱ्यांकडे (BDO) तक्रार दाखल केली होती. या तक्रारीवरून गावात दोन्ही गटांत गेल्या काही दिवसांपासून अंतर्गत वाद धुमसत होता.
कार्यालयासमोरच गाठून मारहाण
याच वादाचे पर्यवसान ३ नोव्हेंबर रोजी थेट हाणामारीत झाले. सरपंच पती बिराप्पा महादेव रेवे (वय ३३) हे ग्रामपंचायत कार्यालयाजवळ असताना आरोपींनी त्यांना व त्यांच्या कुटुंबीयांना भरचौकात गाठून शिवीगाळ करत मारहाण केली. दिवसाढवळ्या ग्रामपंचायत कार्यालयासमोरच घडलेल्या या राड्यामुळे परिसरात एकच खळबळ उडाली.
सहा जणांवर मंगळवेढा पोलिसांत गुन्हा
या प्रकरणी बिराप्पा रेवे यांनी मंगळवेढा पोलीस ठाण्यात फिर्याद दिली आहे. त्यांच्या फिर्यादीवरून पोलिसांनी बाबासो इमडे, अजित चोपडे, बाळासो इमडे,दत्तात्रय चोपडे, सुभाष पुजारी, गणेश चोपडे या सहा जणांविरोधात विविध कलमान्वये गुन्हा दाखल केला आहे. या प्रकरणाचा पुढील तपास मंगळवेढा पोलीस करत आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
