टीम मंगळवेढा टाईम्स ।
मंगळवेढा-सांगोला राष्ट्रीय महामार्गावरील आंधळगाव गावच्या हद्दीत काल संध्याकाळच्या सुमारास एक अत्यंत भीषण आणि काळजाचा ठोका चुकवणारा अपघात घडला आहे.
रस्त्यावरून चाललेल्या जेसीबी मशीनला पाठीमागून आलेल्या भरधाव क्रेटा कारने जोरदार धडक दिली. या भीषण अपघातात कार चालकासह एका महिलेचा जागीच दुर्दैवी मृत्यू झाला असून, कारमधील अन्य तीन जण गंभीर जखमी झाले आहेत.
मिळालेल्या माहितीनुसार, हा अपघात दिनांक ८ जून २०२६ रोजी सायंकाळी ६:१५ वाजण्याच्या सुमारास धरणवाडी येथील पांडुरंग भाकरे यांच्या शेताजवळ घडला.
असा घडला भीषण अपघात…
मंगळवेढा येथील गणेशवाडीचे रहिवासी असलेले अनिल अशोक तानगावडे (वय ३७) हे आपल्या ताब्यातील जेसीबी मशीन (क्र. MH-13-ES-9568) घेऊन
आंधळगाव येथील काम संपवून सोलापूर-सांगोला राष्ट्रीय महामार्गाच्या डाव्या बाजूच्या लेनने घरी परतत होते.
दरम्यान, धरणवाडीजवळ आले असता पाठीमागून आलेल्या एका भरधाव काळ्या रंगाच्या क्रेटा कारने (क्र. MH-50-U-5121 / MH-50-V-5121) जेसीबीच्या पाठीमागील बकेटला अत्यंत जोरात धडक दिली.
ही धडक इतकी भीषण होती की, धडकेच्या वेगामुळे जेसीबी मशीन रस्त्याच्या खाली उतरली. जेसीबी चालक अनिल तानगावडे हे केबीनमध्ये आदळल्याने त्यांच्या कपाळाला गंभीर दुखापत होऊन ते रक्तबंबाळ झाले.
कारचा चक्काचूर; दोन जण जागेवरच ठार
अपघातानंतर क्रेटा कारचा समोरील भागाचा अक्षरशः चक्काचूर झाला होता. कारमधील चालक आणि प्रवासी गंभीर जखमी होऊन बेशुद्ध पडले होते. या अपघातात कार चालक सुरज अशोक पाटील (रा. शेने, ता. वाळवा, जि. सांगली) आणि कारमधील महिला प्रवासी अर्चना अशोक पाटील हे दोघे गंभीर जखमी होऊन जागीच मृत पावले.
तीन प्रवासी गंभीर जखमी
कारमधील इतर प्रवासी देखील या अपघातात गंभीर जखमी झाले आहेत
१) निता सुरज पाटील
२) अशोक तुकाराम पाटील
३) आयुष अंकुश पाटील
(सर्व राहणार: शेने, ता. वाळवा, जि. सांगली)
मंगळवेढा पोलिसांत गुन्हा दाखल
अपघातानंतर जखमींना तातडीने आंधळगाव येथील नडगिरे हॉस्पिटलमध्ये उपचारासाठी दाखल करण्यात आले. जेसीबी चालक अनिल तानगावडे यांनी मंगळवेढा पोलीस ठाण्यात हजर राहून रीतसर फिर्याद दिली आहे. त्यांच्या जबाबावरून मृत कार चालक सुरज अशोक पाटील याच्याविरुद्ध निष्काळजीपणे आणि भरधाव वेगात गाडी चालवून मृत्यूस व गंभीर दुखापतीस कारणीभूत ठरल्याप्रकरणी गुन्हा दाखल करण्यात आला आहे. मंगळवेढा पोलीस या घटनेचा पुढील तपास करत आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
