मोठी बातमी! जन्म दाखल्याच्या ऑर्डरसाठी २ हजारांची लाच घेताना महसूल सहाय्यकाला रंगेहाथ पकडले

टीम मंगळवेढा टाईम्स ।

पवित्र तीर्थक्षेत्र पंढरपूरमधून लाचखोरीची एक धक्कादायक घटना समोर आली आहे. जन्म दाखल्याची ऑर्डर देण्यासाठी अवघ्या दोन हजार रुपयांची लाच घेताना पंढरपूर येथील महसूल सहाय्यक अलिफ सुतार (रा.मंगळवेढा) याला लाचलुचपत प्रतिबंधक विभागाने (ACB) सापळा रचून रंगेहाथ अटक केली आहे. या कारवाईमुळे महसूल वर्तुळात प्रचंड खळबळ उडाली आहे.

अलिफ सुतार यांची मंगळवेढा तहसील कार्यालयमधून नुकतीच पंढरपूर तहसील कार्यालयात बदली झाली होती.

काय आहे संपूर्ण प्रकरण?

​मिळालेल्या माहितीनुसार, तक्रारदार यांना त्यांच्या कामासाठी जन्म दाखल्याच्या ऑर्डरची आवश्यकता होती. ही ऑर्डर काढून देण्यासाठी महसूल सहाय्यक अलिफ सुतार याने २,००० रुपयांच्या लाचेची थेट मागणी केली होती.

तक्रारदार यांची लाच देण्याची अजिबात इच्छा नसल्याने, त्यांनी या प्रकरणी थेट लाचलुचपत प्रतिबंधक विभागाकडे (ACB) रीतसर तक्रार नोंदवली.

​ ‘एसीबी’चा अचूक सापळा आणि अटक

​तक्रारीची शहानिशा केल्यानंतर, लाचलुचपत प्रतिबंधक विभागाच्या पथकाने पंढरपूर येथे अत्यंत गोपनीयतेने सापळा रचला.

आज ठरल्याप्रमाणे तक्रारदाराकडून २ हजार रुपयांची लाचेची रक्कम स्वीकारताना महसूल सहाय्यक अलिफ सुतार याला ‘एसीबी’च्या पथकाने रंगेहाथ पकडले. त्याच्यावर गुन्हा दाखल करण्याची प्रक्रिया सुरू असून, या कारवाईने लाचखोरांचे धाबे दणाणले आहेत.

ही कारवाई एसीबी पुणे परिक्षेत्राचे पोलीस अधीक्षक शिरीष सरदेशपांडे, अपर पोलीस अधीक्षक अजित पाटील यांच्या मार्गदर्शनाखाली पोलीस उपअधीक्षक प्रशांत चौगुले यांनी केली आहे.

कारवाईत एसीबी सोलापूरच्या पथकातील अधिकारी व कर्मचारी सहभागी होते.

लाचेची मागणी केल्यास संपर्क साधावा

शासकीय अधिकारी किंवा कर्मचारी यांनी कोणतेही काम करून देण्यासाठी कायदेशीर शुल्काव्यतिरिक्त लाचेची मागणी केल्यास नागरिकांनी घाबरून न जाता तात्काळ लाचलुचपत प्रतिबंधक विभागाशी संपर्क साधावा. अशा प्रकरणांमध्ये एसीबीकडून कठोर कारवाई करण्यात येते.— प्रशांत चौगुले, पोलीस उपअधीक्षक, लाचलुचपत प्रतिबंधक विभाग, सोलापूर

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज