टीम मंगळवेढा टाईम्स ।
आषाढी वारीच्या ओढीने आसुसलेल्या वारकरी संप्रदायासाठी आणि पंढरपूरकरांसाठी एक आनंदाची पर्वणी येत आहे. धनश्री, सीताराम व आष्टी परिवाराच्या वतीने पंढरपूर येथे ‘धनश्री प्रवचनमाले’चे भव्य आयोजन करण्यात आले आहे.
आज गुरुवार दि.३० एप्रिल ते सोमवार दि. ४ मे रोजी सायं. ६ ते ८ या वेळेत आरती मंडप मनमाडकर, एलआयसी ऑफिस समोर, पंढरपूर येथे आयोजन करण्यात आले असल्याची माहिती धनश्री परिवाराचे संस्थापक प्रा.शिवाजीराव काळुंगे यांनी दिली.
या प्रवचनमालेत श्रीक्षेत्र पंढरपूर येथील श्री संत माणकोजी बोधले महाराज यांचे वंशज ह.भ.प. डॉ. श्रीगुरु जयवंत महाराज बोधले (धामणगावकर) हे सखा माझा ज्ञानेश्वर या विषयावर मार्गदर्शन करणार आहेत.
संत हे आपल्या जीवनातील संस्काराचे, सात्त्विकेतचे, समन्वयाचे प्रतीक आहेत. मनाच्या मशागतीसाठी आणि धैर्यप्राप्तीसाठी संतांनी आपले विचारधन दिले.
हा संतविचार आपला जीवनमार्ग झाला की जगणे सुसह्य आणि आनंदाचे होते.
हाच संत विचारांचा श्रवणीय ठेवा अनुभवण्याचा योग माऊली संत ज्ञानेश्वर महाराज यांच्या ७५० व्या जन्मोत्सवानिमित्ताने येत आहे.
सखा माझा ज्ञानेश्वर या विषयावर संत माणकोजी महाराज बोधले यांचे वंशज ह. भ. प. डॉ. श्रीगुरू जयवंत महाराज बोधले (धामणगावकर) यांच्या सुश्राव्य वाणीतून ५ दिवस प्रवचने ऐकण्याचा योग धनश्री परिवाराने घडवून आणलेला आहे.
मानवाने आपल्या जीवनात संतांचे विचार अंगीकारावेत, त्यांचे साहित्य व अभंग मनापासून श्रवण करावे आणि त्यातून आत्मविकास साधावा, ही या कार्यक्रमामागची प्रेरणा आहे.
तात्त्विक विचारांपासून ते जीवनाच्या सहज वास्तवाशी जोडणाऱ्या या प्रवचनातून प्रत्येकाला नवी दिशा मिळणार आहे. तरी सर्वांनी या प्रवचनमालेचा लाभ घ्यावा असे आवाहन संयोजक धनश्री सिताराम व आष्टी परिवाराच्या वतीने करण्यात आले आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
