मंगळवेढा टाईम्स न्युज नेटवर्किंग ।
”मायबाप जनता हाच माझा पक्ष” अशी भावनिक साद घालत राजकारणात गुंतवणूक करणारे भगीरथ भालके आज स्वतःच पक्षांतराच्या शर्यतीत आघाडीवर असल्याचे बोलले जात आहे.
एकेकाळी निष्ठा आणि तत्त्वांच्या गप्पा मारणारे भालके आता शिवसेना (शिंदे गट) प्रवेशाच्या उंबरठ्यावर उभे असल्याने, पंढरपूर-मंगळवेढा तालुक्यातील राजकीय वर्तुळात टीकेचा ‘रामबाण’ सुटला आहे.
निष्ठा हरवली, सत्तेचा प्रवास सुरू?
स्व.भारत नाना भालके यांनी आयुष्यभर ज्या संघर्षातून आपली ओळख निर्माण केली, त्या वारशाला छेद देत भगीरथ भालके यांनी पक्षांतराचा जणू धडाच लावला असल्याचे बोलले जात आहे.
बीआरएस, काँग्रेस, राष्ट्रवादी आणि आता शिंदे गट… या वारंवार बदलणाऱ्या दिशांमुळे भालकेंची राजकीय विश्वासार्हतेबाबत चर्चा चौकाचौकात रंगत आहे.
कालपर्यंत जे दुसऱ्यांच्या पक्षांतरावर बोचरी टीका करत होते, तेच आज स्वतः त्या टीकेचे ‘जिवंत प्रतीक’ बनले आहेत.
जनता ‘मायबाप’ आहे, पण विसरभोळी नाही!
विठ्ठल परिवारातील मतभेद, अभिजीत पाटील यांच्यासोबतचा जिल्हा परिषद काळातील घरोबा आणि आता पुन्हा बदललेली राजकीय दिशा, हे सर्व मंगळवेढा-पंढरपूरची जनता उघड्या डोळ्यांनी पाहत असल्याचे चित्र आहे.
राजकारणात स्थान मिळवण्यासाठी पक्ष बदलणे ही रणनीती असू शकते, पण विश्वास गमावणे ही त्याची मोठी किंमत असू शकते अशी देखील चर्चा दबक्या आवाजात सुरु आहे.
राजकारणात आरोप-प्रत्यारोप आणि पक्षांतरं होतच असतात. मात्र, भगीरथ भालके यांना आता हा निर्णय वैयक्तिक स्वार्थासाठी नसून तालुक्याच्या विकासासाठी आहे, हे कृतीतून सिद्ध करावे लागणार आहे. कारण जनता मायबाप असली तरी ती विसरभोळी नसते, हे येणारा काळच ठरवेल.
निसर्गाने ऋतू बदलल्यासारखे पक्ष बदलणारे भगीरथ भालके सध्या शिवसेनेच्या वाटेवर असल्याने कार्यकर्तेही बुचकळ्यात पडले आहेत.
भाजप शिवसेना महायुतीमुळे भाजप स्टैंडिंग आमदाराला थांबवून शिवसेनेला जागा देणार का? हा मोठा प्रश्न असून, शिवसेनेने तिकीट नाकारल्यास भगीरथ भालके पुन्हा तिकिटासाठी पक्ष बदलणार का? अशा अनेक चर्चाची वादळे सध्या मतदार संघात उठत आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
