टीम मंगळवेढा टाईम्स ।
भीषण उष्णतेने होरपळणाऱ्या मंगळवेढेकरांना निसर्गाने गुरुवारी रात्री मोठा दिलासा दिला, मात्र हा दिलासा विजांच्या थरकाप उडवणाऱ्या कडकडाटासह आला. बुधवारी दिवसभर पारा ४० अंशांच्या पार गेल्याने नागरिक हैराण झाले असतानाच, रात्री १० वाजता वरुणराजाने ‘आक्राळ-विक्राळ’ रूप धारण करत हजेरी लावली. यामुळे शहरात भीतीसोबतच गारवाही पसरला आहे.
दिवसभर उन्हाचे चटके, रात्री आभाळ फाटले!
मंगळवेढा शहरात गेल्या काही दिवसांपासून उन्हाचा कडाका वाढला होता. बुधवारी तर तापमानाने ४० अंशांचा टप्पा गाठल्याने रस्ते ओस पडले होते.
सायंकाळच्या सुमारास ढगाळ वातावरण निर्माण झाल्याने उकाड्यात थोडी घट झाली, पण रात्री १० च्या सुमारास अचानक निसर्गाचे चक्र फिरले. विजांचा इतका भीषण कडकडाट झाला की, संपूर्ण मंगळवेढा शहर हादरून गेले. अनेक नागरिक विजांच्या आवाजाने भीतीने सुन्न झाले होते.
विजांचा कडकडाट सुरू होताच खबरदारीचा उपाय म्हणून महावितरणने वीज पुरवठा खंडित केला. क्षणार्धात संपूर्ण मंगळवेढा शहर अंधारात बुडाले. संपूर्ण शहरात काळोख असताना ज्यांच्या घरांवर ‘सौर ऊर्जा’ संच आहेत, केवळ तीच घरे प्रकाशात न्हाऊन निघत होती. बाकी शहराला मात्र कंदील आणि मोबाईल टॉर्चचा आधार घ्यावा लागला.
हवामान खात्याचा अंदाज ठरला तंतोतंत खरा!
सोलापूर जिल्ह्यात वादळी वाऱ्यासह पाऊस पडण्याची शक्यता हवामान खात्याने वर्तवली होती. निसर्गाने हा अंदाज तंतोतंत खरा करून दाखवल्याची चर्चा आता नागरिकांमध्ये रंगली आहे. पावसाच्या सरी कोसळल्याने तापमानात मोठी घट झाली असून, नागरिकांना असह्य उकाड्यापासून सुटका मिळाली आहे.
दरम्यान, आज गुरुवारी देखील काही भागात पावसाचा अंदाज आहे, त्यामुळे शेतकरी बांधवांच्या नजरा आकाशाकडे लागल्या आहेत.
बळीराजाच्या नजरा आकाशाकडे
ऐन उन्हाळ्यात झालेल्या या पावसाने वातावरणात गारवा निर्माण केला असला तरी, विजांचा कडकडाट आणि वादळी रूप पाहून शेतकरी वर्गही चिंतेत आहे. पावसाचा जोर कायम राहिल्यास पिकांच्या नियोजनावर काय परिणाम होतो, याकडे सर्वांचे लक्ष लागले आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
