नदी वाचवा, निधी द्या! भीमेच्या शुद्धीकरणासाठी १०० कोटी द्या; आमदार आवताडेंची सरकारकडे आग्रही मागणी; विधानसभेत घुमवला आवाज

मंगळवेढा टाईम्स न्युज नेटवर्किंग ।

महाराष्ट्र शासनाने उजनी धरणावर पर्यटन स्थळ उभारण्यास मंजुरी दिली असून ५४१ कोटी १८ लाखाचा आराखडा तयार केला आहे. यामध्ये महाराष्ट्रात पर्यटन वाढीसाठी अनेक उपक्रम राबवले जाणार असून राष्ट्रीय दर्जाचे कृषी पर्यटन स्थळ उजनी धरणावर उभारण्यात येणार आहे.

मात्र विविध भागातून भीमा नदीच्या माध्यमातून उजनी धरणात येणाऱ्या रसायन मिश्रित पाण्यामुळे उजनीचे प्रदूषण वाढत असून ते पाणी पूर्णपणे प्रदूषित होऊन आरोग्याचा धोका निर्माण झाला आहे.

यासाठी पर्यटन विकासासाठी मंजूर झालेल्या रकमेतून १०० कोटी उजनीच्या पाण्याचे प्रदूषण कमी करण्यासाठी वापरणार का? हा प्रश्न आमदार समाधान आवताडे यांनी अर्थसंकल्पीय अधिवेशनात केला.

पुढे बोलताना आ. आवताडे म्हणाले, सोलापूर जिल्ह्याची अर्थव्यवस्था उजनी धरणावर अवलंबून आहे. सोलापूर साठी उजनी धरणाकडे वरदायनी म्हणून पाहिले जाते. पिकाच्या व पिण्याचा पाण्याचा प्रश्न या धरणावरून सुटत आहे.

मात्र या धरणातील जल प्रदूषण मोठ्या प्रमाणात वाढले असल्यामुळे यावर उपाययोजना करणे गरजेचे आहे. त्यासाठी शासनाने प्रदूषण कमी करण्यासाठी पावले उचलणे अत्यंत गरजेचे असल्याची बाब आमदार समाधान आवताडे यांनी शासनाच्या निदर्शनास आणून दिली.

उजनी धरण सोलापूर नगर व पुणे या जिल्ह्यात पसरलेले असून १४५ किलोमीटर परिसरात पाणी पसरलेले असते धरणाजवळून सोलापूर पुणे राष्ट्रीय महामार्ग गेला असल्याने जल पर्यटनासाठी ही जमेची बाजू आहे.

याशिवाय दक्षिण व उत्तर भारताला जोडणारा रेल्वे मार्ग कुडूवाडी, भिगवण या पद्यातूनच गेला आहे. पंढरपूरचा पांडुरंग, तुळजापूरची तुळजाभवानी, अक्कलकोटचे स्वामी समर्थ यांच्या दर्शनासाठी महाराष्ट्र विविध राज्यातील भाविक सोलापुरात येतात. त्यामुळे त्यांच्यासाठी उजनीवर झालेले जल पर्यटन आनंदाची पर्वणी ठरणार आहे.

शासनाने हा जल पर्यटनाचा निर्णय घेतला असला तरी याबरोबर उजनीचे पाणीही स्वच्छ व आरोग्यदायी राहिले पाहिजे. यासाठी स्वतंत्र निधीची उपलब्धता करून जल प्रदूषणावर ही शासनाने काम करावे अशी मागणी आमदार समाधान आवताडे यांनी केली आहे.

या प्रश्नाला उत्तर देताना कृषी मदत पुनर्वसन वित्त राज्यमंत्री आशिष जयस्वाल यांनी सांगितले, मुख्यमंत्र्यांची बैठक लावली असून या बैठकीमध्ये यावरती निर्णय घेण्यात येईल.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज