मंगळवेढा टाईम्स न्युज नेटवर्किंग ।
मंगळवेढा तालुक्यातील बँकिंग क्षेत्रात सध्या खळबळ उडाली आहे. काही भामट्यांनी बँकेत बनावट सोने गहाण ठेवून लाखो रुपयांचे कर्ज लाटल्याचे प्रकार समोर आले आहेत.
या टोळीच्या वाढत्या कारवायांमुळे आता बँकांसमोर मोठे संकट उभे राहिले आहे.
बँकांचे मौन, टोळीचे फावले!
सूत्रांकडून मिळालेल्या माहितीनुसार, अशा प्रकारचे फसवणुकीचे प्रकार अनेक बँकांमध्ये घडले आहेत. मात्र, बँकेचे नाव खराब होईल आणि बाजारात विश्वासार्हतेवर परिणाम होईल,
या भीतीपोटी अनेक बँका तक्रार देण्यास टाळाटाळ करत असल्याचे धक्कादायक वास्तव समोर आले आहे. बँकांच्या याच मौनाचा फायदा घेत संबंधित टोळीचे धाडस वाढले असून, ते पुन्हा पुन्हा बँकांना लुटत आहेत.
बँकांसमोर मोठे आव्हान
यापूर्वीही काही बँकांमध्ये बनावट सोन्याचे प्रकार उघडकीस आले होते, तरीही आजही बँकांमध्ये ही साखळी सुरूच आहे. कर्ज घेताना सोन्याची शुद्धता तपासण्यात काही त्रुटी राहतात का? की या टोळीशी हातमिळवणी करून हे प्रकार घडत आहेत? याचाही आता गंभीरपणे तपास होणे गरजेचे झाले आहे.
बँकांनी सावध राहणे गरजेचे
फसवणुकीची ही मालिका रोखण्यासाठी आता बँकांना अधिक सतर्क राहण्याची गरज आहे. केवळ ग्राहकांकडील सोन्याच्या विश्वासार्हतेवर अवलंबून न राहता, प्रत्येक शाखेने सोन्याची गुणवत्ता तपासण्यासाठी अधिक कठोर आणि आधुनिक निकष लावणे अनिवार्य झाले आहे.
येत्या काळात बँक प्रशासनाने अशा घटनांची दखल घेऊन पोलिसांकडे तक्रार केल्याशिवाय ही टोळी आटोक्यात येणार नाही, असे तज्ज्ञांचे मत आहे. मंगळवेढ्यातील बँकांनी आता ‘प्रतिष्ठा’ वाचवण्यापेक्षा ‘फसवणूक’ रोखण्याला प्राधान्य द्यावे, अशी चर्चा आता सर्वत्र रंगली आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
