मंगळवेढा टाईम्स न्युज ।
मंगळवेढा नगरपरिषद मधील तीर्थक्षेत्र विकास आघाडीच्या पक्षादेश तथा व्हीप प्रमुखपदी सहकार नेते बबनराव आवताडे यांची व पक्षनेता तथा गटनेतापदी नगरसेवक प्रशांत गायकवाड यांची निवड करण्यात आली आहे.
नगराध्यक्षा सुनंदा आवताडे यांच्या अध्यक्षतेखाली झालेल्या मंगळवेढा नगरपरिषद मधील तीर्थक्षेत्र विकास आघाडीच्या सर्वसाधारण सभेत तीर्थक्षेत्र विकास आघाडी पक्षादेश तथा व्हीप प्रमुखपदी बबनराव आवताडे यांची निवड करण्यात आली आहे.
यापुढे मंगळवेढा नगरपरिषद मध्ये तीर्थक्षेत्र विकास आघाडीचे व्हिप बबनराव आवताडे यांना राहणार आहेत. विठ्ठल परिवारचे प्रमुख भगिरथ भालके यांना मंगळवेढा नगरपरिषदेच्या व्हीप प्रमुखपदावरून काढून टाकण्यात आले आहे.
तर मंगळवेढा नगरपरिषद तीर्थक्षेत्र विकास आघाडीच्या पक्षनेता तथा गटनेतापदी नगरसेवक प्रशांत गायकवाड यांची निवड करण्यात आली असून यापूर्वीचे पक्षनेता तथा गटनेता सोमनाथ माळी यांची ही पक्षनेते पदावरून हाकलपट्टी करण्यात आली आहे.
पक्षनेता म्हणून सर्व पत्र व्यवहाराचे अधिकार त्यापुढे नगरसेवक प्रशांत गायकवाड यांना असणार आहेत.
महाराष्ट्र स्थानिक प्राधिकरण सदस्य अर्हता नियम १९८७ अन्वये मंगळवेढा नगरपरिषद मधील तीर्थक्षेत्र विकास आघाडीच्या नियमावलीतील पोटनियम क्र.५ अन्वये १) मंगळवेढा नगरपरिषद गटाचा नेता नगरपरिषद सदस्यातून निवडण्यात येईल.
नियम क्र.७ अन्वये कोणत्याही कारणाने पक्षनेता,उप पक्षनेता, व पक्ष प्रवक्ता यांची जागा रिकामी झाल्यास रिक्त जागी नवीन पक्षनेता,उप पक्षनेता,पक्ष प्रतोद व पक्ष प्रवक्ता यांची निवड तीर्थक्षेत्र विकास आघाडीची सभेत बहुमताने करण्यात येईल.
व नियम क्र. ०८ अन्वये तीर्थक्षेत्र विकास आघाडी पंढरपूरचे पदाधिकारी, पक्षनेता, पक्ष प्रतोद, पक्ष प्रवक्ता, व इतर पदे आघाडीचे सभेत बहुमताने बदलता येतील अशी तरतूद करण्यात आली आहे.
पोटनियमानुसार मंगळवेढा नगराध्यक्षा सुनंदा आवताडे यांनी मंगळवेढा नगरपरिषद नगरसेवकांची सर्वसाधारण सभा बोलावली होती.
त्या सर्वसाधारण सभेत उपस्थित नगरसेवकांच्या सर्वानुमते पक्षप्रमुख बबनराव आवताडे व पक्षानेता म्हणून निवड करून जिल्हाधिकारी डॉ.कुमार आशिर्वाद यांच्याकडे बदल प्रस्ताव सादर केला आहे. त्या अनुषंगाने पुढील कामकाज व कार्यवाही होईल असे संबंधित विभाग प्रमुख अधिकारीनी सांगितले आहे.
दरम्यान मंगळवेढा नगरपरिषद मधील तीर्थक्षेत्र विकास आघाडीची कायदेशीर सुत्रे बबनराव आवताडे यांच्या कडे आली असून भालके गटाची राजकीय व कायदेशीर कोंडी झाली आहे. स्विकृत नगरसेवकपद निवडीबाबबत भालके गटाने केलेली खेळी त्यांच्या नगरसेवकांना कायमस्वरूपी अंगलट येणार असल्याचे बोलले जात आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
