नगरपालिका रणधुमाळी! अश्विनी मुरडे यांचा प्रभाग दोन मध्ये प्रचाराचा झंझावात; सर्वसामान्य जनतेचा वाढता पाठिंबा

टीम मंगळवेढा टाईम्स ।

मंगळवेढा नगरपालिकेसाठी रणधुमाळी सुरू असून प्रभाग 2 मधून भाजपकडून उभे राहिलेले अश्विनी मुरडे यांना प्रभाग दोन मधून जोरदार प्रतिसाद मिळत असून मुरडे व हेंबाडे यांचा विजय निश्चित होणार असल्याचे बोलले जात आहे.

अश्विनी मुरडे यांना प्रभागातील जनता नगरपालिकेत पाठवणार असून मुरडे यांना प्रभागातून उस्फूर्त प्रतिसाद मिळत आहे.

अश्विनी मुरडे व समाधान हेंबाडे यांनी आतापर्यंत नागणे गल्ली, खंडोबा गल्ली, मुरडे गल्ली, मुलाणी गल्ली, मुढे गल्ली, दत्तू गल्ली आदी ठिकाणी प्रत्येक मतदारांच्या प्रत्येक घराघरात पोहचल्या आहेत.

प्रभागातील नागरिकांच्या घरोघरी जात त्यांच्या भेटीगाठी घेत उमेदवारांकडून त्यांच्या अडीअडचणी समजून घेण्यात आल्या. तसेच प्रभागाबद्दलचे असलेले विकासाचे स्वप्न त्यांच्यापुढे मांडण्यात आले. त्यामुळे एक विश्वास मतदारांमध्ये निर्माण झाला.

मंगळवेढा नगरपालिकेचा प्रभाग क्रमांक 2 हा सर्वात मोठा भाग असल्यामुळे याठिकाणी मोठ्या प्रमाणात नागरी वस्ती आहे. त्यामुळे प्रत्येक घराघरात पोहोचण्याचा प्रयत्न सौ.अश्विनी मुरडे यांनी केला आहे.

यावेळी प्रत्येक घरामध्ये नागरिकांकडून उमेदवारांचे उत्साहात स्वागत करण्यात आले. महिला भगिनींकडून त्यांचे औक्षण करण्यात आले.

यावेळी प्रभागात असणाऱ्या लहान मोठ्या सर्व समस्यांची सोडवणूक करण्यासाठीचे व्हिजन सौ.अश्विनी मुरडे यांनी नागरिकांसमोर मांडले. त्यासोबत समाधान हेंबाडे यांनी देखील प्रभागाचा विकास नियोजनबद्धरित्या करण्यासाठीचा विश्वास व्यक्त केला.

प्रभाग क्रमांक 2 मध्ये असणारी कचऱ्याची समस्या, सार्वजनिक शौचालयाची समस्या, रस्ते समस्या सोडविण्यासाठी सुयोग्य नियोजन करण्यात आले असून त्याची प्रत्यक्ष अंमलबजावणी करणार असल्याचे, सौ.अश्विनी मुरडे यांच्याकडून सांगण्यात आले.

यावेळी उपस्थित महिला भगिनींनी प्रभाग क्रमांक 2 मधून अश्विनी मुरडे, समाधान हेंबाडे आणि नगराध्यक्ष पदाच्या उमेदवार सुजाता जगताप विक्रमी मतांनी निवडून येतील, असा विश्वास व्यक्त केला.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.