टीम मंगळवेढा टाईम्स ।
मंगळवेढा नगरपालिकेची रणधुमाळी आता अंतिम टप्प्यात आली असून तीर्थक्षेत्र विकास आघाडीचे नगरसेवक पदासाठीच्या अधिकृत उमेदवार प्रशांत गायकवाड यांच्याकडून प्रभागामध्ये जोरदार प्रचार करण्यात आला. प्रशांत गायकवाड यांच्या सामाजिक कार्याची पोच पावती जनता देणार असल्याचे बोलले जात आहे.
प्रशांत गायकवाड, गोसीया मुजावर यांच्याकडूनही प्रभाग 9 मध्ये प्रचार सुरु करण्यात आला असून मतदारांनी आत्तापर्यंत केलेल्या कार्याची दखल घेतली आहे.
यावेळी त्यांच्यासोबत नगराध्यक्ष पदाच्या उमेदवार सुनंदा आवताडे उपस्थित होत्या. दोन्ही उमेदवार एकाच वेळी प्रभागामध्ये आल्यामुळे नागरिकांचा देखील उत्स्फूर्त प्रतिसाद पाहायला मिळाला.
प्रभागातील नागरिकांच्या घरोघरी जात त्यांच्या भेटीगाठी घेत उमेदवारांकडून त्यांच्या अडीअडचणी समजून घेण्यात आल्या. तसेच प्रभागाबद्दलचे असलेले विकासाचे स्वप्न त्यांच्यापुढे मांडण्यात आले. त्यामुळे एक विश्वास मतदारांमध्ये निर्माण झाला.
मंगळवेढा नगरपालिकेचा प्रभाग क्रमांक 9 हा मोठा भाग असल्यामुळे याठिकाणी मोठ्या प्रमाणात नागरी वस्ती आहे. त्यामुळे प्रत्येक घराघरात पोहोचण्याचा प्रयत्न प्रशांत गायकवाड करीत आहेत.
गैबीपीर देवस्थानचे सलग तीन वर्ष सरपंच पद भूषवले आहे, येणाऱ्या कार्यकाळात मोठ्या प्रमाणात सुशोभीकरण करायचे असल्याचे त्यांनी सांगितले. सार्वजनिक शिवजयंती अध्यक्ष असताना अनेक समाजपयोगी कार्यक्रम घेतले.
मराठा व मुस्लिम समाजासाठी अनेक वेळा स्वतः हजर राहून प्रत्येक कार्यात मोलाचा वाटा उचलला असून दोन्ही समाज प्रशांत गायकवाड यांच्या पाठीशी खंबीरपणे उभे असल्याचे बोलले जात आहे.
अत्यंत गरीब परिस्थितीतून उभारी घेऊन स्व:कर्तृत्वावर मोठ्या यशाला गवसणी घातली आहे, गेल्या सात वर्षापासून नवमहाराष्ट्र नवरात्र उत्सव मंडळाच्या माध्यमातून स्वखर्चाने अनेक सामाजिक उपक्रम व (केदारनाथ, कांतारा आदी) प्रसिद्ध लोकप्रिय देखावे आणून एक वेगळी ओळख निर्माण केली आहे.
यावेळी प्रभागात असणाऱ्या लहान मोठ्या सर्व समस्यांची सोडवणूक करण्यासाठीचे व्हिजन प्रशांत गायकवाड यांनी नागरिकांसमोर मांडले. त्यासोबत सुनंदा आवताडे यांनी देखील प्रभागाचा विकास नियोजनबद्धरित्या करण्यासाठीचा विश्वास व्यक्त केला.
प्रभाग क्रमांक 9 मध्ये असणारी कचऱ्याची समस्या, सार्वजनिक शौचालयाची समस्या, रस्ते समस्या सोडविण्यासाठी सुयोग्य नियोजन करण्यात आले असून त्याची प्रत्यक्ष अंमलबजावणी करणार असल्याचे प्रशांत गायकवाड यांच्याकडून सांगण्यात आले.
यावेळी उपस्थित महिला भगिनींनी प्रभाग क्रमांक 9 मधून प्रशांत गायकवाड , गोसीया मुजावर आणि नगराध्यक्ष पदाच्या उमेदवार सुनंदा आवताडे विक्रमी मतांनी निवडून येतील, असा विश्वास व्यक्त केला.
निवडून आल्यानंतर व्हिजन, विकास कामे
न्हावी गल्ली येथील समाज च्या जागेमध्ये वॉल कंपाऊंड करणे, गटार दुरुस्त करणे , रस्ते खोदून काँक्रिटीकरण करणे.. घिसाडी समाजासाठी जागा उपलब्ध करून सभामंडप बांधणार,
गैबीपीर देवस्थान यांचा यास वॉल कंपाऊंड करणे
गैबीपीर देवस्थान परिसर सुशोभीकरण करणे, मारवाडी समाजासाठी स्मशान भूमीमध्ये पेवर ब्लॉक व बसण्यासाठी सभामंडप व्यवस्था करणे
न्हावी समाज मंदिर मध्ये दुसरा मजला बांधकाम करणे आदी विकास कामे करण्यात येणार असल्याचे प्रशांत गायकवाड यांनी सांगितले आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
