मंगळवेढा टाईम्स न्युज नेटवर्क।
मंगळवेढा शहर व तालुक्यातील नागरिकांना भेडसावणाऱ्या अनेक प्रश्नांच्या संदर्भात भैरवनाथ उद्योग समूहाचे उपाध्यक्ष अनिल सावंत यांनी पुढाकार घेतला असून,
याबाबतचे निवेदन उपविभागीय अधिकारी बी.आर. माळी यांना दिले. त्यावर तातडीने कार्यवाही करावी; अन्यथा आंदोलन करण्याचा इशारा देण्यात आला.
या निवेदनावर शहराध्यक्ष चंद्रशेखर कोंडुभैरी, पंढरपूर मंगळवेढा मतदार संघ अध्यक्ष संतोष रंदवे, स्मिता अवघडे, सागर गुरव, बापू वस्त्रे, मंदाकिनी सावंजी, नंदा ओमने, विजयलक्ष्मी मुढे,
महादेव शिंदे, सुहास मुरडे, संतोष नागणे, बबन डावरे, पंकज चव्हाण, प्रशांत मोरे, पंडित गवळी, भाऊसाहेब, हेंबाडे यांच्या सह्या आहेत.
या निवेदनात म्हटले आहे की, तहसील कार्यालय अंतर्गत संजय गांधी निराधार योजनेतील महिला, अपंग, मागासवर्गीय अनुदान, श्रावणबाळ योजनेचे अनुदान तात्काळ मिळावे, शालेय विद्यार्थ्यांना शिष्यवृत्तीचे पैसे त्वरित मिळावेत,
जल जीवन पाणीपुरवठा योजनेमध्ये निकृष्ट दर्जाची कामे होऊन त्यामध्ये भ्रष्टाचार झाल्यामुळे पाणी टंचाईला सामोरे जावे लागत आहे,
खरीप हंगामातील पीक विमा तात्काळ मिळावा व कर्जमाफी जाहीर करावी, पुरवठा विभागातील कर्मचारी व रेशन दुकानदार यांच्या संघटनेत गैरप्रकार सुरू असून अनेक वर्षे कार्डधारकांना रेशनच्या मालापासून वंचित ठेवले,
निनावी अर्ज करून कार्डधारकाला त्रास देण्याचा प्रयत्न सुरू आहे, प्रधानमंत्री आवास घरकुल योजनेतील जागा नसलेल्या घरकुल लाभार्थ्यांना शासकीय जागा तातडीने द्यावी.
तहसीलदारांच्या आदेशातील नोंदी न घेता चुकीच्या पद्धतीने फेरफार तयार करून शेतकऱ्यांच्या सात-बारावर बोजा चढवण्याचे काम करणाऱ्या तलाठी मंडलाधिकारी यांना निलंबित करावे.
तालुक्यामध्ये अवैध धंदे जोरात सुरू असल्यामुळे गोरगरिबांची आर्थिक नासाडी होत आहे, हे धंदे तात्काळ बंद करण्यात यावेत,
नगरपालिकेकडून गटारी स्वच्छतेकडे दुर्लक्ष केले जात आहे. पावसाळ्याच्या तोंडावर गटारी स्वच्छता करणे, गणेश बागेसमोर व इतर ठिकाणी पाणी साचते त्याचे नियोजन करण्यात यावे,
भुयारी गटार योजनेचा व हद्दवाढीचा प्रस्ताव करून शासनाकडे पाठपुरावा करावा, छत्रपती शिवाजी महाराजांच्या अश्वारूढ पुतळ्याचे उद्घाटन करावे, बसवेश्वर व महात्मा चोखोबा स्मारकाचा प्रश्न मार्गी लावावा.
शेतकरी, घरगुती ग्राहक, औद्योगिक धंद्याला मोठा फटका
वीज वितरण कंपनीकडून ऐन उन्हाळ्यात शेती व घरगुती ग्राहकांना खंडित वीज पुरवठ्यामुळे त्रासाला सामोरे जावे लागत आहे याचा शेतकरी, घरगुती ग्राहक, औद्योगिक धंद्याला फार मोठा फटका बसला.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
