शेतकऱ्यांनो! उजनी धरण मायनसमध्ये; मृत पाणी साठ्यावर ‘यांचा’ राहणार अधिकार; शेतीचे होणार नुकसान?

टीम मंगळवेढा टाईम्स ।

 उजनी धरणातील पाणी पातळी ‘मायनस’ (उणे) मध्ये गेली असून, उजनी धरणात एकूण ६३ टीएमसी पाणी शिल्लक राहिले आहे. यापुढे मृत पाणी साठ्यावर जिल्हाधिकाऱ्यांचा अधिकार राहणार असून

या मृत साठ्यातून पिण्यासाठी, शेती आणि उद्योगांसाठी पाणीपुरवठा होणार आहे. परंतु सर्व ठिकाणी योग्य प्रमाणात पाणी मिळणार नसल्यामुळे शेतीचे नुकसान होणार आहे हे निश्चित.

१५ ऑक्टोबर २०२४ रोजी पावसाळा संपल्यानंतर उजनी धरण १११.२० टक्के भरले होते. धरणात १२३.२३ टीएमसी पाणीसाठा तयार झालेला होता. जानेवारी २०२५ मध्ये ४२ दिवसाचे शेतीसाठी कालवा, बोगदा व सिंचन योजनेतून रब्बी आवर्तन देण्यात आले.

यामुळे ९ लाख ५० हजार एकर क्षेत्रावरील पिकांना लाभ मिळाला. त्यानंतर मार्चमध्ये उन्हाळी आवर्तन सुरू झाले. ते आवर्तन आता पाणी संपल्यानंतरच ८२ दिवसांनी बंद होणार आहे.

धरणामध्ये एकूण पाणीसाठा ४९७.७२० मीटरपर्यंत केला जातो. ४९१.२० ला उजनी ‘मायनस’ ( उणे) मध्ये जाते. कालवा दरवाजाची तळपातळी (एमडीडीएल लेवल) ४८७.९१० मीटरपर्यंत आहे व तोपर्यंत कालवा चालू राहतो.

परंतु शेवटी पाण्याचा दाब कमी होतो व पाणी पुढे जात नाही. सिंचन योजनांना देखील यापुढे पाणी कमी पडल्यामुळे त्याही दोन-तीन दिवसात बंद पडणार आहेत. तर भीमा-सीना बोगद्यामध्ये पाण्याचा दाब कमी होत आहे.

एकंदरीत कालवा दहा ते अकरा मे पर्यंत चालेल. परंतु इतर शेतीचे विसर्ग स्रोत लवकरच बंद पडणार आहेत. त्यामुळे मे आणि जून अखेरपर्यंत बारमाही उभी असलेली ऊस, केळी, फळबागा सारखी पिके पाण्याअभावी जळून जाऊन कोट्यवधी रुपयांचे नुकसान होण्याची भीती आहे.

सोलापूर शहरासाठी जानेवारी ते एप्रिलपर्यंत प्रत्येक वेळेस दहा ते अकरा दिवस असे तीन वेळा पाणी सोडले जाते. या तीन आवर्तनातून १८ ते २० टीएमसी पाणी सोडावे लागते. याचा परिणाम म्हणजे शेतीसाठी उन्हाळ्याच्या शेवटी पाणी कमी पडते व लाखो रुपयांचे नुकसान होते.

उजनी धरणाच्या बॅक वॉटरवर १४ एमआयडीसी, पुणे, सोलापूर, अहमदनगर जिल्ह्यातील ५४ साखर कारखाने, वीज निर्मिती केंद्र, सिनारमाससारखे मोठे उद्योग व अनेक खासगी व सहकारी पाणीपुरवठा संस्था चालतात. त्यांचे देखील भवितव्य पाण्याअभावी यापुढे अनिश्चित आहे.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज