कोरोना मंगळवेढेकरांची पाठ सोडेना! पोलीस कर्मचाऱ्यासह चौघांना कोरोनाची लागण

टीम मंगळवेढा टाईम्स । मंगळवेढा येथे आज घेण्यात आलेल्या 97 रॅपीड अॅन्टीजन टेस्ट पैकी 4 जणांची कोरोना चाचणी पॉझिटिव्ह आली असून यामध्ये एका पोलीस कर्मचाऱ्याचा समावेश आहे.

वैदयकीय रुग्णालय मंगळवेढा यांच्या मार्फत 29 रॅपीड अॅन्टीजन टेस्ट आणि ग्रामीण रुग्णालय मंगळवेढा यांचे मार्फत 68 रॅपीड अॅन्टीजन टेस्ट असे एकुण मंगळवेढा येथे 97 रॅपीड अॅन्टीजन टेस्ट आज दि.21 जुलै रोजी घेण्यात आलेल्या आहेत.

त्यामध्ये मंगळवेढा येथील दोन पुरुष व्यक्तीचे , दामाजीनगर ता.मंगळवेढा येथील एक पुरुष व्यक्तीचा आणि मुढवी ता.मंगळवेढा येथील एक महिला व्यक्तीचा असे एकुण चार ( 4 ) जणांचे रॅपीड अॅन्टीजन टेस्ट पॉझिटिव्ह आलेले आहे.

त्यामध्ये एक पुरुष पोलीस कर्मचारी कार्यरत पोलीस स्टेशन मंगळवेढा आणि इतर 3 असे एकुण चारही जण यापुर्वी पॉझिटिव्ह आलेल्या व्यक्तीचे निकटतम संपर्कातील आहेत.

वरील चारही व्यक्ती कोविड केअर सेंटर मंगळवेढा येथे विलगीकरण करण कक्षातील आहेत. उर्वरीत 93 रॅपीड अॅन्टीजन टेस्ट निगेटिव्ह आलेली आहे.

आज प्राप्त अहवालातील पॉझिटिव्ह व्यक्तींचे त्यांचे निकट संपर्कात ( high risk contacts ) आणि कमी संपर्कात ( low risk contacts ) असलेल्या व्यक्तींचे वैदयकीय सर्वेक्षणाचे कामकाज आरोग्य विभागामार्फत सुरु करणेत आलेले आहे.

आवश्यकते नुसार पुढील कार्यवाहीसाठी प्रशासन सज्ज आहे असल्याचे उपविभागीय अधिकारी उदयसिंह भोसले यांनी सांगितले.

—————————

???? राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 95 6161 7373 हा आमचा नंबर