टीम मंगळवेढा टाईम्स ।
मंगळवेढा तालुक्यातील महमदाबाद हु. येथील आरोपी अतिश वसंत काटे याची महिलेवर लग्नाचे अमीष दाखवून बलात्कार केल्याप्रकरणी पंढरपूर येथील जिल्हा व सत्र न्यायाधिश श्री.तोष्णीवाल यांनी जामीनावर मुक्तता केली आहे.
याबाबत थोडक्यात हकीकत अशी की, दि.२० सप्टेंबर २०२२ रोजी व त्यानंतरही वेळोवेळी यातील आरोपीने महमदाबाद हु. येथील महिलेस लग्नाचे अमीष दाखवून तिचेवर बलात्कार केल्याबाबत मंगळवेढा पोलीस स्टेशन येथे भा.द.वी. १८६० चे कलम ३६३, ३७६ प्रमाणे फिर्याद दाखल केली होती.
सदर प्रकरणातील आरोपी हा फिर्यादीचे घराशेजारी राहणेस आहे. यातील आरोपी हा अविवाहीत असुन यातील फिर्यादी ही विवाहीत असुन तीला ७ वर्षाची मुलगी आहे.
तसेच तीचे पती ७ वर्षपूर्वी मयत झालेले आहेत, तेंव्हापासून ती माहेरी राहणेस आहे. यातील आरोपी हा अविवाहीत असल्याने त्याचे जवळीक साधुन त्याचेबरोबर लग्न करण्याचे उद्देशाने फिर्यादीने मुद्दामपणे शारिरीक संबंध ठेवले.
शारिरीक संबंधबाबत यातील फिर्यादीस माहिती व ज्ञान असुन देखील तीने स्वतःहून आरोपीसोबत वेळोवेळी शारिरीक संबंध ठेवण्यास आरोपीला भाग पाडलेले आहे व सदर बाबीचा गैरवापर करुन त्याचा लग्न करण्याची धमकी देवू लागली.
परंतू यातील आरोपीने तीचेबरोबर विवाह करण्यास नकार दिल्याने त्याचेकडून आर्थिक लाभ घेण्याकरीता सदरची खोटी फिर्याद दाखल केलेली आहे असा केलेला युक्तीवाद ग्राह्य मानुन पंढरपूर येथील जिल्हा व सत्र न्यायाधिश श्री. तोष्णीवाल सोो यांनी रु. ५०,०००/- चे जातमुचलक्यावर जामीनावर मुक्तता केली आहे.
सदर प्रकरणी यातील आरोपीतर्फे अॅड. एम. डी. गायकवाड यांनी काम पाहिले व सरकार तर्फे अॅड. वांगीकर यांनी काम पाहिले.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
