टीम मंगळवेढा टाईम्स ।
मंगळवेढा शहरात ३१ डिसेंबर २०२३च्या पार्श्वभूमीवर वाहतुक पोलिसांनी दारूचे सेवन करून मोटर सायकल चालविणाऱ्या वसंत चव्हाण (वय ४८, शनिवार पेठ), शशिकांत खरबडे (वय ५८, भिमनगर), अजय चेळेकर (वय ३०, डांगे गल्ली), तानाजी दिवसे (वय ३९, जोतीबा नगर), गोपीराम कुमावत (वय ३२, बोराळे),
चंद्रकांत चव्हाण (वय ५४, शनिवार पेठ), अभिमान चवरे (वय ४५, गणेशवाडी), सिध्देश्वर डांगे (वय घोडके (वय ३८, आंधळगांव), दत्तात्रय ५४, कुरूल), मोहन मंडले (वय ४३, बेडर गल्ली), अरूण बुरले (वय ३०, बुरलेवाडी, सांगोला) आदी ११ जणांवर पोलिसांनी गुन्हे दाखल केले आहेत.
पोलिस सुत्रांनी दिलेली माहिती अशी, ३१ डिसेंबरच्या पार्श्वभूमीवर डी. वाय.एस.पी. विक्रांत गायकवाड यांच्या मार्गदर्शनाखाली पोलिस निरिक्षक रणजित माने यांनी वाहतुक शाखेच्या पोलिस पथकांना दारूचे सेवन करून वाहने चालविणाऱ्या चालकावर कारवाईच्या सूचना दिल्या होत्या.
त्याप्रमाणे दि.३१ डिसेंबर रोजी रात्री १०.२० वा. एम एच १३ क्यू ८०२४ वरील चालक अरूण तुळशीराम बुरले हा हिरो होंडा स्प्लेंडरवर दारूचे सेवन करून गाडी चालवत असताना सांगोला नाका येथे खोमनाळ नाक्याकडून येत असताना मिळून आला
दुसऱ्या घटनेत एम एच १३ डी डब्ल्यू ९६६५ या हिरो होंडा मोटर सायकलवर बोराळे नाका ते सांगोला नाका दरम्यान मोहन प्रल्हाद मंडले हा दारूचे सेवन करून मोटर सायकल चालवित असताना मिळून आला. एम एच १३ एस पी २४६८ या गाडीवर रात्री ११.३० वा. बोराळे नाका ते सांगोला नाका या मार्गावर दत्तात्रय लक्ष्मण घोडके हे दारूचे सेवन करून जात असताना निदर्शनास आला.
एम एच १३ बी.जी. ४०८४ या मोटर सायकलवर सिध्देश्वर भारत डांगे हा दारू सेवन करून गाडी चालविताना मिळून आला. एम एच १३ डी. एच.९३१२ या मोटर सायकलवर अभिमान दगडू चवरे हा दारूचे सेवन करून गाडी चालविताना मिळून आला.
एम एच १३ ए यू ९०७१ या बजाज कंपनीच्या मोटर सायकलवर चंद्रकांत किसन चव्हाण हा दारू पिवून गाडी चालविताना खोमनाळ नाका येथे पोलिसांना मिळून आला. एम एच १३ सी ई ५८३९ या हिरो कंपनीच्या मोटर सायकलवर तानाजी महादेव दिवसे हा दारू सेवन करताना मिळून आला.
एम एच १३ डी क्यू २४५३ या चार चाकी माल वाहतुक करणारा गोपीराम मळीराम कुमावत हा दारू सेवन करून चार चाकी वाहन चालविताना मिळून आला. एम एच १४ जे जे ८६३६ या मोटर सायकलवर शशिकांत रामचंद्र खरबडे हा दारू पिवून गाडी चालवित असताना कारखाना रोड येथे मिळून आला.
एम एच १३ डब्ल्यु ९०६६ या बॉक्सर मोटर सायकलवर अजय भारत चेळेकर हा पंढरपूर बायपास रोडवर दारूचे सेवन करून गाडी चालवित असताना पोलिसांना मिळून आला. एम एच १३ एक्स ८८४९ या हिरो होंडा मोटर सायकलवर वसंत लक्ष्मण चव्हाण हा दारूचे सेवन करून गाडी चालविताना खोमनाळ नाका येथे मिळून आला.
दरम्यान, यामध्ये एक चार चाकी व १० टु व्हिलर यांच्यावर दारूचे सेवन करून वाहन चालवित असताना मोटर वाहन अधिनियम १९८८ चे कलम १८५,१३०(१), १७७ प्रमाणे कारवाई करण्यात आली आहे. सहाय्यक पोलिस निरिक्षक अंकुश वाघमोडे, रेवण डमाळे, पोलिस उपनिरिक्षक सौरभ शेटे, पोलिस हवालदार शिवाजी पांढरे, समाधान यादव, संभाजी आगलावे, पो.कॉ.सुरज साळुंखे, सचिन काळेल, महेश माने, तेजस मोरे आदीनी कारवाईची मोहिम पार पाडली.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
