मंगळवेढा टाईम्स न्युज नेटवर्क ।
मंगळवेढा शहरातील बोराळे नाका येथे असलेल्या नगरपालिकेच्या गाळ्याच्या पाठीमागे आडोशाला ५२ पानाच्या पत्त्यावर पैशाची पैज लावून मन्ना नावाचा जुगार खेळणाऱ्या अड्डयावर पोलीसांनी छापा मारुन २ लाख ४० हजार ९७० रुपये किंमतीचा मुद्देमाल जप्त करुन
बालाजी अशोक इंगळे (वय ३३), प्रशांत मधुकर शिवशरण (वय ३२), तानाजी नारायण घाटूळ (वय ६०), बजरंग शिवाजी फडतरे (वय ५५), किशोर विठ्ठल कसबे (वय ३८) सर्व रा.मंगळवेढा या पाच जणांविरुध्द महाराष्ट्र जुगार कायदयान्वये गुन्हे दाखल करण्यात आले आहेत.
पोलीस सुत्रांनी दिलेली माहिती अशी, बोराळे नाका परिसरातील नगरपालिकेच्या गाळ्याच्या पाठीमागे आडोशाला मन्ना नावाचा जुगार सुरु असल्याची गोपनीय माहिती प्रशिक्षणार्थी पोलीस अधिकारी नयोमी साटम यांना मिळताच
त्यांनी पोलीसांच्या मदतीने दि.९ ऑगस्ट रोजी ५.३० वाजता छापा टाकला असता वरील पाच आरोपी ५२ पानाच्या पत्त्यावर गोलाकार बसून पैशाची पैज लावून मन्ना नावाचा जुगार खेळताना मिळून आले.
यावेळी पोलीसांनी ५ हजार ९७० रोख रक्कम, १ लाख १० हजार किंमतीची होंडा मोटर सायकल, ९० हजार रुपये किंमतीची शाईन कंपनीची मोटर सायकल. १८ हजार रुपयाचा व्हीवो कंपनीचा मोबाईल,
७ हजार रुपये किंमतीचा रेडमी मोबाईल, १० हजार रुपये किंमतीचा व्हीवो मोबाईल असा एकूण २ लाख ४० हजार ९७० किंमतीचा मुद्देमाल पोलीसांनी जप्त केला. दरम्यान कारवाईसाठी वरील आरोपींना पोलीसांनी ताब्यात घेतले आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
