मंगळवेढा टाईम्स न्युज नेटवर्क ।
मंगळवेढा शहरांसह ग्रामीण भागात पावसाला सुरवात झाली असून उकाड्याने हैराण झालेल्या नागरिकांना दिलासा मिळाला आहे.
आज सकाळपासून कडक उन्ह पडले होते दुपारनंतर ढगाळ वातावरणासह वादळी वारा वाहत होता. अशातच मंगळवेढा शहरात तुरळक पावसाला सुरवात झाली,
मंगळवेढा शहरासह परिसरात तुरळक पावसाने हजेरी लावली. यामुळे नागरिकांची धावपळ उडाली आहे. एकीकडे रविवारच्या सुट्टीचा बेत आखत असलेल्या मंगळवेढेकरांवर पावसाने विरजण पाडले आहे.
मंगळवेढा तालुक्यात आज दुपारनंतर उन्हाची तीव्रता कमी होऊन ढगाळ वातावरण तयार झाले होते. त्यामुळे उन्हाचा तडाखा कमी जाणवत होता. दुपारपासूनच ढगाळ हवामान असल्याने तुरळक पावसाला सुरवात झाल्याने नागरिकांना गेल्या काही दिवसापासून सुरू असलेल्या उकाड्यापासून दिलासा मिळाला.
सोलापूर जिल्ह्यात अवकाळी पावसानंतर प्रचंड उकाड्याने शहर व जिल्हावासीय हैराण असून मान्सूनपूर्व पावसाच्या प्रतीक्षेत आहेत.
अशातच आज दुपारनंतर वातावरणात बदल होत संपूर्ण जिल्ह्यात ढगाळ वातावरण निर्माण झाल्याने काही क्षणात पावसाला सुरवात झाली. यात शहर परिसरात पावसाने हजेरी लावल्याने नागरिकांना उकाड्यातून काहीसा दिलासा मिळाला आहे.
ढगाळ वातावरण आणि वाऱ्याचा वाढलेला वेग यामुळे तापमानाचा पारा घसरला. नाशिकमध्ये तीन अंशाने तापमान घसरून कमाल तापमानाची नोंद झाली.
मंगळवेढा तालुक्यात काही भागात पावसाने उघडीप दिली असली तरीही अद्याप ढगाळ वातावरणासह विजांचा कडकडाट सुरु आहे. त्यामुळे हवामान विभागाच्या अंदाजानुसार पुढील काही तास पाऊस येण्याची चिन्हे आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
