टीम मंगळवेढा टाईम्स ।
जमिनीचे खरेदीखत करताना मुद्द्रांक शुल्क वाचविण्यासाठी तलाठ्याचे बनावट सही-शिक्के, बनावट पंचनामा आणि बनावट मुल्यांकन करून
शासनाची फसवणूक केल्याप्रकरणी ४ जणांविरूद्ध पंढरपूर शहर पोलीस ठाण्यात गुन्हा दाखल झाला आहे.
दरलिंग बाळासो भुसनर, संभाजी बाळासो भुसनर, सीताराम किसन रानगर (सर्व रा.शिरढोण-माळवाडी) व रासाहेब वामन जोरवर (रा.मिरे, ता.माळशिरस ) अशी गुन्हा दाखल झालेल्या चौघांची नावे आहेत.
तहसीलदारांच्या आदेशानुसार तलाठी अब्दुलसलीम चांदकोटे (रा.वाखरी) यांनी त्यांच्या विरूद्ध फिर्याद दाखल केली आहे.
यातील दर्लिंग भुसनर याने रावसाहेब जोरवर याची शिरढोण येथील गट नं. ११४/२ मधील ४१ गुंठे जमीन खरेदी घेतली होती. यासाठी २ लाख ८ हजार ३५० रूपये मुद्रांक शुल्क भरणे आवश्यक होते.
मात्र , पैसे वाचविण्यासाठी संबंधितांनी तलाठी यांचा बनावट सही- शिक्का तसेच पंचनामा करून भारतीय राष्ट्रीय राज्यमार्ग प्राधिकरण यांचे पत्र मिळविले.
त्यानुसार खरेदी करण्याच्या जमिनीच मुल्य ३५ लाख ६७ हजार असताना ते केवळ ५ लाख ७५ हजार रूपये दाखविले.
२ लाख ८ हजार ३५० रूपये मुद्द्रांक शुल्क भरणे आवश्यक असताना केवळ २८ हजार ८०० रूपये मुद्द्रांक शुल्क भरला.
१ लाख ७ ९ हजार ५५० रूपये मुद्द्रांक शुल्क कमी भरून शासनाची फसवणूक केल्याचे खरेदी खतानुसार ऑनलाईन नोंद घेताना स्पष्ट झाले.
तलाठी चांदकोटे यांनी याबाबतचा अहवाल सादर केल्यानंतर तहसीलदारांनी फिर्याद दाखल करण्याचे आदेश दिले.
त्यानुसार खरेदी देणार , घेणार आणि दोन साक्षीदार अशा चौघांविरूद्ध गुन्हा दाखल झाला आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
