मंगळवेढा तालुक्यात कोरोनाचा सहावा बळी, 45 वर्षीय पुरुषाचा मृत्यू

टीम मंगळवेढा टाईम्स । मंगळवेढा तालुक्यात कोरोना बधितांच्या संख्येसह मृतांच्या संख्येतही वाढ होत असल्याने चिंता व्यक्त केली आहे. दरम्यान , आज मंगळवेढा तालुक्यात आंधळगाव येथे कोरोनामुळे 45 वर्षीय पुरुषाचा मृत्यू झाला आहे. आतापर्यंत 6 जणांचा मृत्यू झाला आहे.

दरम्यान , तालुक्यातील कोरोना बाधीतांची संख्या 421 वर गेली आहे. तर मृत्यूचा आकडा 6 वर गेला आहे.

आज दि.24 ऑगस्ट रोजी 13 जणांचे स्वब ( RT – PCR ) कोरोना चाचणी अहवाल तपासणी कामी घेण्यात आलेले आहेत.तसेच आज 2 रॅपीड अॅन्टीजन टेस्ट घेण्यात आलेल्या आहेत. 2 रॅपीड अॅन्टीजन टेस्ट पैकी पॉझिटिव्ह -2 आणि निगेटिव्ह -00 जणांचे अहवाल आलेले आहेत.

सदर नागरीक हे अरळी 1 , कचरेवाडी 1 येथील निकटतम संपर्कातील आहेत. सोलापूर येथे पाठविणेत स्वब ( RT – PCR ) चे आज 00 पॉझिटिव्ह अहवाल प्राप्त झाले आहेत.

मंगळवेढा तालुक्यात आज अखेरपर्यंत 421 रुग्ण पॉझिटिव्ह आढळले आहेत. तर 245 रुग्णांना उपचार कालावधी नंतर घरी सोडण्यात आले आहे. आणि आज पर्यंत 170 रुग्णांवर उपचार सुरू आहेत व आत्तापर्यंत सहा जणांचा मृत्यू झाला आहे.

दरम्यान, 2 रुग्ण कोरोनामुक्त झाल्याने मोठा दिलासा मिळाला असला तरी दिवसेंदिवस वाढत असलेल्या रुग्णांची संख्या ही चिंताजनक बाब आहे. नागरिकांनी शासनाने दिलेल्या नियमांचे पालन करावे. कोणीही घराबाहेर पडू नये. गर्दी न करता आपण कोणत्याही संसर्गित व्यक्तीच्या संपर्कात येणार नाही आणि आपल्याला कोरोनाची लागण होणार नाही, याची काळजी घ्यावी. आपल्या आरोग्याकडे लक्ष द्यावे, असे आवाहन प्रशासनाच्या वतीने करण्यात आले आहे.

राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 9561617373 हा आमचा नंबर.