टीम मंगळवेढा टाईम्स ।
मंगळवेढा तालुक्यातील तळसंगी परिसरात वीज वितरण कंपनीचा डी.पी . बसवत असताना अचानक एका शेतकऱ्याने दोन्ही फिडरचा सप्लाय एकत्रित करून विद्युत प्रवाह सुरू केल्याने लाईनमन मायाप्पा बाळू मोटे यांना अचानक वीजेचा झटका लागून जमिनीवर पडल्याने ते गंभीर जखमी झाला.
याप्रकरणी डोणज येथील शेतकरी बाळासाहेब अर्जुन कदम यांच्याविरुद्ध गुन्हा दाखल करण्यात आला आहे.
पोलीस सूत्राकडून दिलेली माहिती अशी की, यातील फिर्यादी लाईनमन समाधान चौगुले (जालिहाळ), टेंडरवाले दादासो इंगळे (खोमनाळ) मायाप्पा मोटे , समाधान मोटे आदी तळसंगी परिसरात दुपारी १ वा. ५ मि. वाजता
गवळी मासाळ डी.पी. येथे ट्रान्सफार्मर बसविण्याचे काम करणार असल्याने तळसंगी येथून लाईट बंद करण्याचे परमीशन घेऊन ते काम करीत असताना
यातील मायाप्पा बाळू मोटे यांना अचानक काम करताना उजव्या हाताच्या तळव्याला वीजेचा झटका बसला व ते वरून जमिनीवर खाली पडले.
त्यांच्या डोकीस मार लागल्याने ते गंभीर जखमी झाले. त्यांना तात्काळ उपचारासाठी मंगळवेढा येथील खाजगी दवाखान्यात दाखल करण्यात आले.
या घटनेनंतर वीज प्रवाह बंद केली असतानाही शॉक कसा काय बसला ? या प्रश्नाने सर्वच अधिकारी व कर्मचारी अचंबित झाल्याने त्यांनी या मागचा शोध घेण्याचे ठरवले त्याप्रमाणे बोराळे सबस्टेशनवरून येणारी लाईन चेक केली असता
डोणज ते मरवडे रोडवरील घुले मळा येथे आले असता त्या ठिकाणी आरोपी बाळासाहेब अर्जुन कदम यांचे शेतात दोन्ही फिडरचा सप्लाय एकत्रित करून लाईन चालू केल्याचे दृष्टीपथास आले.
आरोपी कदम याने कोणतीही परवानगी न घेता चोरून लाईट घेवून लाईटचा सप्लाय चालू केल्याने मोटे यांना करंट लागून ते जखमी झाल्याचे दिलेल्या फिर्यादीत म्हटले आहे. याचा अधिक तपास पोलिस करीत आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
