टीम मंगळवेढा टाईम्स ।
छत्रपती शिवाजी महाराजांचा अश्वारूढ पुतळा मंगळवेढा मध्ये व्हावा ही सर्व मंगळवेढेकरांची गेली कित्येक वर्षांची मनापासूनची इच्छा आहे.त्यासाठी मंगळवेढा शहरातील प्रत्येक घरातील व्यक्तीच्या लोकवर्गणीतून उभा केला जाईल जेणेकरून सर्व मंगळवेढा शहरातील प्रत्येक लोकांना त्या अश्वारूढ पुतळा संदर्भात सहभाग व अभिमान वाटेल असेसार्वजनिक शिवजयंती उत्सव मंडळाचे अध्यक्ष प्रशांत गायकवाड यांनी केले आहे.
छत्रपति शिवाजी महाराज हे महाराष्ट्राचे नव्हे तर भारताच्या आराध्य दैवत आहे.मंगळवेढा ही संतांची भूमी म्हणून ओळखली जाते तसेच छत्रपतींच्या पदस्पर्शाने पावन झालेली भूमी म्हणून ही ओळखली जाते.
मंगळवेढा मध्ये अनेक संताचा व महापुरुषांच्या जयंत्या मोठ्या उत्साहात साजरा केल्या जातात. हे अनेक उत्सव साजरे करीत असताना, सर्व जाती-धर्माचे,विविध पक्षाचे , विविध संघटनांचे पदाधिकारी सर्वच समाजातील लोक एकत्रती येऊन सर्वांच्या आर्थिक योगदानातून हे उत्सव साजरे केले जातात.
मग मंगळवेढ्यातील नवरात्र महोत्सव असो किंवा हजरत पीर गैबीसाहेब यांचा ऊरस आसो हे उत्सव अतिशय मोठ्या प्रमाणात साजरे केले जातात.त्याचेच फलित म्हणून या उत्सवांचे नाव संपूर्ण महाराष्ट्रभर झालेले आहे.
असे उत्सव साजरे केले जात असताना कोणाही एका व्यक्तीकडून ते साजरे न करता मंगळवेढा शहरातील गोरगरीब ,कष्ट करू लोक असतील ,किंबहुना लहान मोठे व्यवसायिक असतील तसेच शहरातील अनेक लहान मोठे नेते-मंडळी असतील युवक नेते असतील किंवा जेष्ठ लोक असतील.
या सर्वांच्या यथाशक्ती लोकवर्गणीतून असे उत्सव मोठ्या प्रमाणात साजरे केले जातात. मंगळवेढा मध्ये असे अनेक लोक आहेत जे स्वखर्चाने असे उत्सव सहज रित्या पार पाडू शकतात.
परंतु मंगळवेढ्या मध्ये आजतागायत अशा कोणत्याही एका नेत्याने व्यापार्याने किंवा व्यक्तीने असे उत्सव स्वःखर्चाने पार पाडू असा कधीही उल्लेख केलेला नाही.
छत्रपती शिवाजी महाराज यांची मंगळवेढा मध्ये होणारी शिवजयंतीने सोलापूर जिल्ह्यामध्ये एक आदर्श निर्माण केला आहे. गेली 45 वर्ष अखंडितपणे लोकवर्गणीच्या माध्यमातून ही शिवजयंती अतिशय मोठ्या स्वरूपात साजरी होत आहे.
त्यासाठी कोणाही एका व्यक्तीला खर्च करण्याची कधी गरज भासली नाही. छत्रपती शिवाजी महाराज यांच्या विषयी कोणतेही कार्य असेल तर मंगळवेढ्यातील लोक सढळ हाताने लोकवर्गणीच्या माध्यमातून अतिशय उत्स्फूर्तपणे मदत करतात.
छत्रपती शिवाजी महाराजांचा अश्वारूढ पुतळा मंगळवेढा मध्ये व्हावा ही सर्व मंगळवेढेकरांची गेली कित्येक वर्षांची मनापासूनची इच्छा आहे आणि त्यासाठी लोक यथाशक्ती लोकवर्गणी देण्यासाठी तयार ही आहेत.
याकरिता प्रत्येक घरातून शिवाजी महाराजांच्या अश्वारुढ पुतळा साठी वर्गणी जमा केली जाईल.छत्रपती शिवाजी महाराजांचा अश्वारूढ पुतळा हा कोणा एका व्यक्तीच्या मदतीने न होता.
मंगळवेढा शहरातील प्रत्येक घरातील व्यक्तीच्या लोकवर्गणीतून उभा केला जाईल जेणेकरून सर्व मंगळवेढा शहरातील प्रत्येक लोकांना त्या अश्वारूढ पुतळा संदर्भात सहभाग व अभिमान वाटेल.आणि याकरिता जर कोणास काही वर्गणी स्वरूपात रक्कम द्यायची असेल तर ती गाजावाजा व जाहिरात बाजी न करता सढळ हाताने मूर्ती बनवणाऱ्या शिष्टमंडळाकडे जमा करावी असे आव्हान सार्वजनिक शिवजयंती उत्सव मंडळाचे अध्यक्ष प्रशांत गायकवाड यांनी केले आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
