टीम मंगळवेढा टाईम्स ।
सोलापूर जिल्ह्यातील पाचवी ते आठवीपर्यंतच्या शाळा बुधवारीपासून सुरू झाल्या. शहरातील 293 पैकी 277 शाळा सुरू झाल्या असून ग्रामीण भागातील सर्वच तालुक्‍यांमधील शाळा सुरू करण्यात आल्या आहेत.
3 लाख एक हजार 533 पैकी 92 हजार 169 विद्यार्थ्यांनी उपस्थिती दर्शविली.मंगळवेढा तालुक्यातील 117, अक्‍कलकोट तालुक्यातील 300, बार्शी व करमाळ्यातील प्रत्येकी 181 शाळा सुरू झाल्या आहेत. माळशिरसमधील 252,
मोहोळ तालुक्यातील 145, पंढरपूर तालुक्यातील 194, सांगोल्यातील 162, उत्तर सोलापुरातील 168 आणि दक्षिण सोलापुरातील 193 शाळा सुरू झाल्या आहेत.जिल्हा परिषदेचे मुख्य कार्यकारी अधिकारी दिलीप स्वामी यांच्या मार्गदर्शनाखाली गावोगावी जनजागृती रॅली काढण्यात आली.
बुधवारपासून शाळा सुरू झाल्यानंतर शिक्षणाधिकारी संजयकुमार राठोड यांच्यासह अन्य अधिकाऱ्यांनी काही शाळांना भेटी देऊन नियमांचे पालन होते का, याची पाहणी केली.
सोलापूर जिल्ह्यातील 8 हजार 458 शिक्षकांपैकी आठ हजार 384 शिक्षकांची कोरोना टेस्ट करण्यात आली आहे. त्यापैकी 5 हजार 490 शिक्षकांचे रिपोर्ट प्राप्त झाले आहेत.
त्यात 24 शिक्षक कोरोना पॉझिटिव्ह आढळले आहेत. त्यांना आता 14 दिवस तथा कोरोनातून बरे होईपर्यंत पगारी रजा दिली जाणार आहे. मुख्याध्यापक, शाळा व्यवस्थापन समिती आणि ग्रामस्थांच्या मदतीने पहिल्या दिवशी चांगला प्रतिसाद मिळाला आहे.
काही दिवसांत 100 टक्के शाळा सुरू होतील आणि 80 टक्‍क्‍यांपर्यंत विद्यार्थी शाळेत उपस्थित राहतील, असा विश्‍वास शिक्षणाधिकारी श्री. राठोड यांनी बोलताना व्यक्‍त केला आहे.(source : सकाळ)
सोलापूर जिल्ह्यातील 2 हजार 390 शाळे पैकी दोन हजार 374 शाळा पहिल्याच दिवशी सुरू झाल्या आहेत तर शहरातील सहा शाळा वगळता सर्वच तालुक्‍यांमधील शाळांनी कुलूप उघडले आहे.
3 लाखांपैकी 92 हजार 169 विद्यार्थ्यांनी पहिल्याच दिवशी शाळेत नोंदविली हजेरी
माळशिरस पाच, मंगळवेढा, मोहोळमधील प्रत्येकी दोन, सांगोल्यातील चार तर उत्तर व दक्षिण सोलापुरातील प्रत्येकी एक शिक्षक कोरोना पॉझिटिव्ह आढळला आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
