मंगळवेढा ब्रेकिंग! कौटूंबिक नैराश्येतून तरूणाची गळफास घेवून आत्महत्या

टीम मंगळवेढा टाईम्स ।

मंगळवेढा तालुक्यातील माचणूर येथील सागर तुकाराम शिवशरण (वय.२६) या तरूणाने कौटुंबिक नैराश्येतून दारूच्या नशेत घरातील लोखंडी अँगलला रस्सीने गळफास घेवून सायंकाळी आत्महत्या केली.

या प्रकरणी पोलिसात आकस्मात मयत अशी नोंद झाली आहे.दरम्यान मयताचे कारण अस्पष्ट असल्याने पोलिसांनी व्हिसेरा राखून ठेवला आहे.

पोलिस सुत्रांनी दिलेली माहिती अशी, यातील मयत सागर तुकाराम शिवशरण हा कौटुंबिक नैराश्यात होता.तसेच त्याला दारूचे व्यसनही असल्याने त्याने दारूच्या नशेत दि.२५ रोजी सायंकाळी ४.०० वा. माचणूर येथील भिमनगरमधील राहते घरातील लोखंडी अँगलला रस्सीने गळफास घेवून आत्महत्या केल्याची खबर आप्पा दादा शिवशरण यांनी पोलिसात दिली आहे.अधिक तपास बोराळे बीटचे पोलिस करीत आहेत.

बरूर येथे मारहाण

दक्षिण सोलापूर तालुक्‍यातील बरूर येथे तमराया भीमाशंकर मकनापुरे (वय 23) यास गुरुवारी सायंकाळी गावातील हायस्कूलजवळ ग्रामपंचायत निवडणुकीबाबत मल्लिकार्जुन शिरढोणकर यांच्याशी बोलताना संतोष शिरढोणकर याने लाकडाने मारहाण केली. मकनापुरे यास डोक्‍यास मार लागल्याने त्यास शासकीय रुग्णालयात दाखल करण्यात आले आहे. याबाबत सिव्हिल पोलिस चौकीत नोंद करण्यात आली आहे.

गरम पाण्याने बालक भाजला

खेळताना गरम पाणी अंगावर पडल्याने जय कुमार सुरवसे (वय 7, रा. क्रांती नगर, सोलापूर) हा मुलगा अंग व पाय भाजून जखमी झाला. ही घटना शुक्रवारी सकाळी घडली असून जय यास उपचारासाठी शासकीय रुग्णालयात दाखल करण्यात आले आहे. याबाबत सिव्हिल पोलिस चौकीत नोंद करण्यात आली आहे.

उसने पैशासाठी त्रास दिल्याने महिलेचा आत्महत्येचा प्रयत्न

उसने घेतलेले पैसे देण्यासाठी नसीमा पठाण, चॉंदतारा मुजावर, रजिया शेख या महिलांनी त्रास दिल्याने मुमताज शेकू शेख (वय 40, रा. भाग्यलक्ष्मी नगर, नई जिंदगी, सोलापूर) या महिलेने विषारी गोळ्या खाऊन आत्महत्या करण्याचा प्रयत्न केला. मुमताज शेख यांना त्रास होऊ लागल्याने इरफान शेख यांनी त्यांना उपचारासाठी शासकीय रुग्णालयात दाखल केले. याबाबत सिव्हिल पोलिस चौकीत नोंद करण्यात आली आहे.

मोबाईल चोरीची घटना

रंगभवन चौकामध्ये एसटी बसमध्ये चढणाऱ्या वृद्धाच्या खिशातील सहा हजार रुपये किमतीचा मोबाईल चोरल्याची घटना घडली. याबाबत जयशेखर शिवबसप्पा पाटील (वय 60, रा.सलगर, ता. अक्कलकोट) यांनी दिलेल्या फिर्यादीवरून रफिक हसन शेख, अखलाक इमामसाब महाजबडे आणि एका अनोळखी व्यक्तीच्या विरोधात गुन्हा दाखल झाला आहे. पोलिस उपनिरीक्षक लिगाडे पुढील तपास करीत आहेत.

दुचाकीस्वार जखमी

कुत्रा आडवा आल्याने दुचाकी घसरून झालेल्या अपघातात प्रदीप चंद्रकांत खराडे (वय 30, रा. कामती बु, ता. मोहोळ) हा तरुण जखमी झाला. हा अपघात शुक्रवारी सायंकाळी साडेचारच्या सुमारास मोहोळ ते कामती रोडवरील परमेश्‍वर पिंपरी देवस्थानासमोर झाला. जखमी खराडे याच्यावर उपचार सुरू आहेत. याबाबत सिव्हिल पोलिस चौकीत नोंद करण्यात आली आहे.

तरुणाची आत्महत्या

उत्तर सोलापूर तालुक्‍यातील नान्नज येथील शंकर बाबू जानराव यांच्या शेतातील लिंबाच्या झाडास बेल्टच्या सहाय्याने गळफास घेऊन प्रभाकर दत्तात्रय कांबळे (वय 35) या तरुणाने आत्महत्या केली. कांबळे याच्या नातेवाइकांनी प्रभाकर कांबळे याला बेशुद्धावस्थेत शासकीय रुग्णालयात दाखल केले असता डॉक्‍टरांनी त्यास मृत घोषित केले. याबाबत सिव्हिल पोलिस चौकीत नोंद करण्यात आली आहे.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज