धनंजय मुंडेंच्या रिक्त जागेसाठी राष्ट्रवादी आणि भाजपकडून ‘या’ नेत्यांना उमेदवारी !

मंगळवेढा टाईम्स वृत्तसेवा:-

राष्ट्रवादीचे आमदार धनंजय मुंडे विधानसभेवर निवडून आल्याने रिक्त झालेल्या जागी राष्ट्रवादीकडून काँग्रेसचे नेते संजय दौंड यांना उमेदवारी देण्यात आली आहे. संजय दौंड हे आज उमेदवारी अर्ज भरणार आहेत. 

तर दुसरीकडे, भाजपतर्फे राजन तेली उद्या उमेदवारी अर्ज भरणार आहेत. त्यामुळे विधानपरिषदेची निवडणूक बिनविरोध न होता महाविकास आघाडी विरुद्ध भाजप अशी होणार आहे. येत्या 24 जानेवारीला विधानपरिषदेच्या रिक्त जागेसाठी पोटनिवडणूक होणार आहे.दरम्यान संजय दौंड माजी मंत्री पंडितराव दौंड यांचे पुत्र आहेत.

पंडितराव दौंड आणि शरद पवार यांचे जुने संबंध आहेत. संजय दौंड यांनी अनेक वर्षे बीड जिल्हा परिषदेचे सदस्य म्हणून काम केल आहे. संजय दौंड 1992 पासून जिल्हा परिषद सदस्य आहेत. संजय दौंड काँग्रेसमध्ये आहेत, मात्र शरद पवार यांनी विधानसभा निवडणुकीच्या वेळी त्यांना शब्द दिला होता, त्यामुळे आता विधानपरिषदेवर त्यांना संधी देण्यात आली आहे.

विधानसभेतील आमदार या निवडणुकीत मतदान करतात. महाराष्ट्र विकास आघाडीकडे असलेले संख्याबळ लक्षात घेता राष्ट्रवादीचे उमेदवार संजय दौंड यांचा विजयाचा मार्ग सोपा आहे.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज