मंगळवेढा टाईम्स वृत्तसेवा:-
निष्काळजीपणे भरधाव वेगात टिपर चालवून भिमा नदीवरील पुलाचे काम बघण्यासाठी गेलेल्या दगडू नामदेव खुळे (वय ५५ मूळ गाव,पाटखळ ता.मंगळवेढा) याला जोराची धडक दिल्याने गंभीर जखमी जागेवर मयत झाल्याची घटना दि . २४ च्या दुपारी २ . ४५ वा . माचणूर येथील पुलाजवळ घडली आहे .
जाहिरातीसाठी संपर्क:7588214814
दरम्यान , अज्ञात टिपर चालकाविरूध्द पोलिसांनी गुन्हा नोंदविला आहे .या घटनेची हकिकत अशी , माचणूर येथील भिमा नदीवरील नवीन पुलाचे काम राष्ट्रीय महामार्गाकडून सुरु आहे .
हे काम पहाण्यासाठी यातील मयत दगडू नामदेव खुळे हे दि . २४ रोजी दुपारी आले होते .
पुलाचे काम बघत असताना अतिवेगाने आलेल्या टिपर क्रमांक जी . ए . ०७ , एफ ७८२३ याने त्यास जोराची धडक दिल्याने ते जागीच मृत्यू पावले . दरम्यान , धडक जोराची बसल्याने डोक्याकडील भागाचा चंदामेंदा झाला होता .
अपघाताची फिर्याद मुलगा महेश याने दिल्यानंतर अज्ञात टिपर चालकाविरूध्द गुन्हा दाखल करण्यात आला आहे . अधिक तपास पोलिस हवालदार भोळसगांव हे करीत आहेत .
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
